Yucu ninu xian kumani
Ini-ri jin-ro, kua'a kiti nchaka-ro
Nuni cháa ñú-un nayuu roó
Nta'u nta'u, ntukuiñi-ro

Maro skuanu yunu
Skuanu ita yisi
Ita nteyu, vincha, ji'i
Ntuvi ja kanuu skuanu-ro

Yunu nuyuja
Nuxeñu, nujanu
Nuyuntu, inti-i kanuu
Io iin chaa ntiti roo

Te tu kuenta sa'a-de
Konte nu ni ntua-ro
Pan ni sa'a
Te vasi nuku'un ini-de roo

Chii maro kuu ja sa'a
Lu! Lu! yuku nin
Te nuu nte'e jika-yo
Tuun! tuun! ntukuiñi-ro