FREEKLANE
Bent Soltan - بنت السلطان
نبدا قولي كيف كافة البشر باسم الرحيم الرحمان
خالق كل شيء مزيان
وصلاتي على النبي العامر ، وجهه بضيا الجنان
وصحابه في كل زمان
يا بنت السلطان انا خديم وانت صحبك بالشان
بيني وبينك بيبان
زهرة دفلة في الكون قايمة زينك شحال يبان
مراره عذب شبان
مسارك كله فواح بالعطر ولباسك كله ألوان
ثبتيني بعنان
فقري رسمه لي داك الزهر كيف بلوغك في كل مكان
كله جند وجدران
يا بنت السلطان ، يا بنت السلطان
يا بنت السلطان ، فين البر والاحسان
يا بنت السلطان ، يا بنت السلطان
يا بنت السلطان ، فين البر والاحسان
كي نشوفك شي ما يعود ينهدر ما نعود نملك لسان
عندك نبان دهشان
ما تلوموني ما تقولو انسحر سبابي كحلة العيان
منها راني عيان
كية القلب دوام دايمة منها راني حيران
يا اميرة النسوان
دواها عينيك صوبي بالنظر يدوني لكل مكان
يزينولي كل اوطان
يا بنت السلطان ، يا بنت السلطان
يا بنت السلطان ، فين البر والاحسان
يا بنت السلطان ، يا بنت السلطان
يا بنت السلطان ، فين البر والاحسان
اديتوني لطلاب الحضر قلتو داوولنا فلان
ملسقام راهو تعبان
قالو همّو وهواه فالقصر ، و دواه ادعوا الرحمان
يبلغ بنت السلطان
نحلف كون تكتبلي قدرة نكسّيك خير المرجان
جوهر ويدان ويدان
والله ما تستاهليش الغدر كون تبغيني لوكان
نسعد ما بقالي زمان
يا بنت السلطان ، يا بنت السلطان
يا بنت السلطان ، فين البر والاحسان
يا بنت السلطان ، يا بنت السلطان
يا بنت السلطان ، فين البر والاحسان
سيدي طعتك فالنهى والامر ، راحة و عليك ضمان
طلبي ليك وقتوا حان
خايف ما نفوت عندك ، مقدر بلا مالي امري هان
بين ملوك البلدان
مليت نشوف مبعيد المنضر ، محلى وردة في جنان
بريح المسك او الريحان
وشعر كيما الياقوت مبذر ، بسمة تضوى بسنان
خدود بلون الرمان
يا بنت السلطان ، يا بنت السلطان
يا بنت السلطان ، فين البر والاحسان
يا بنت السلطان ، يا بنت السلطان
يا بنت السلطان ، فين البر والاحسان
من صغرك ماشي كيما البشر ، وجهك قتال الاحزان
تربية فيك الامان
كبرت وحبك في قلبي كبر ، وعليك نبات سهران
من كاسي نصب كيسان
ربي اغفر لي ما خفا وما ظهر ، ياك نتايا المنان
نسيني كل ما كان
عونك وحدك يطيقني الصبر ، كل ما خلقته بيان
كيف بحال بنت السلطان
يا بنت السلطان ، يا بنت السلطان
يا بنت السلطان ، فين البر والاحسان
يا بنت السلطان ، يا بنت السلطان
يا بنت السلطان ، فين البر والاحسان
يا بنت السلطان ، يا بنت السلطان ، يا بنت السلطان فين البر والاحسان ؟ (x6)
فين البر والاحسان ، فين البر والاحسان ؟ (x6)
(وا جاوبيني مور الحيطان (بنت السلطان
(وا ناوبيني في سهر الليل (بنت السلطان
(وا صاوبيني نضرة و نفوت (بنت السلطان
(وا سايسيني سالبة العقول (بنت السلطان
(وا جاوبيني مور الحيطان (بنت السلطان
(وا ناوبيني في سهر الليل (بنت السلطان
(وا صاوبيني نضرة و نفوت (بنت السلطان
(وا سايسيني سالبة العقول (بنت السلطان
وا جاوبيني ، وا ناوبيني ، وا صاوبيني ، سايسيني نابيني
