Tafukt ur a(r) tebadelt, kemmin, aɣaras
Ura luqqt lliɣ a(d) d-tesufut i wakal
Ayyur iɛcer bedda d itran, ur a(r) ten ffalen
Ɣ yyiḍ ur smeḥn ɣ uzal, yan ur ifel yan
Amud n benadem ka(d) jju ur ikkan aɣaras
Aḥḥ a lmskin, ullah, ar nit kkan afuss !
Ɣar ixdem dar medden s inna i asen fan
Ur jju tegadda lijaṛt nnes d tiremt nnes
Iɣ isuqq zund igigil, ma(d) t akkw isalan !
Ur illi ma(d) issendam waxxa nit allan
Idda s lksut a(d) tentt iseɣ, a(d) issfreḥ arraw
Tanna mi iggern, teḥreg asen ifassen, luḥen tt
Iddu s uqqdim a(d) t id-iseɣ inna ra(d) t iṣleḥ
A(d) d-iffuɣ dar medden zɛma ra(d) s-is ifreḥ
A ddunit ar tebadal walli tt ur issen
Ukan isker lḥsab is ra(d) ten tt ur iffuɣ
Illa kra dar-s lmal, iqqen t inn
Ur ad d-itteẓur ṭṭelba, ur issen lmsakin
Illa (y) as laẓ ɣ iggi n wallen, ya Laṭif !
A (y) inna ẓeṛan irin ad dar-s ili ɣ ufuss
Ira-d ixf ad agwrn kullu ma(d) t issen
Ukan ikcem t lkiber, xlun, ttun lmutt
A walaynni, azmez ixwcn, yusi akuṛay
Ur issen yan iɣ imẓẓiyn, ur a ssen meqqur
A wanna tteɛjab tewada nnes a mi tt inn usiɣ
A walli ibṛṛemn iziker iri a(d) s-is ikref
A ṛuḥen-d ulli, walli ikesan a(d) nn-iɣaman
Ur ak iɣwẓan i laẓ, a kra, ɣar isleman
Imma tiyyni d lluz, uxwsan a ra(d) ak ikkis
A yan ikṣuḍn ɣ Ṛebbi, ra(d) ikk aɣaras
Ajjin ayda n igigilen, ur a(r) t inn-lkkemn
Nekki, ḍalebeɣ as, ad aɣ ismeḥ iɣ neɣleḍ
Nega yan d medden, tagant ikka tt i(d) kuyan
Ikka tt inn yan uzmez, a lɛaqqel, laḥ yyi k
Nedda s lxla, neḥtajja ifis a(d) t nemmaqqar
A(d) nissan man lḥreb iskar i yan iwi
Ar ittikṣuḍ lherdam waxxa nnan iḥrec
A yan ikṣuḍn ka ɣ a(r) skaren tiremt nnes
A yan ifhemn, ssfled at, ef at ɣ lbal nnek !
Ur igi ifis n tagant af ak nesawal
A hann lbḥer wanna g-isen ittarmn lɛum !
A ɣar is nufeln, igi ixf nnes ɣ lxaṭar
Iɣ idda ar kiɣ ihaj, immnɛa a(d) asen ffertteln
Ar ikkat s iɣrubba ar kiɣ lkemen akal
A (y) iri kra netta a(d) g-isen afin aɣaras
Nekki bɛda negwmer g-isen amr s uɣanim
Iɣ neḥawel tawlẓit a(d) yyi lkemen waman
A wanna iran lmujat, sir, kcem s-resentt !
Hati tayri a(d) nuqwṣad, is ka nutt lmatal !
Ar nettikṣuḍ lḥubb acku irwas asif
A (y) inna ɣ ra(d) d-tegwraẓ ixf inu, smeḥeɣ as
Ass nna ɣ g-igi laẓ, neftu, necc tirufin
Giɣ-nn s-rek afuss a kra, sllem d(itn)ɣ !

Giɣ-nn s-rek afuss a kra, sllem d(itn)ɣ !
A(d) k ihdu Ṛebbi ! Eg at helli zund nekkin !
Wa(d) k ihdu Ṛebbi ! Eg at helli zund nekkin !
Ur a(d) k yutt usnnan, tegit dar-i zund arraw
Ur neḥmil lɛib a(d) t g-iwen yadder yan
Kullu kra k ur ihuln, ur yyi hmman
A (y) asmun, iɣ ur iṣfi lqqleb nnun
Itti-nn helli giɣ, a(d) neẓeṛ ma rad nemun !
Yuf yyi waḥdu yyi a(d) t negeɣ tiknnad nnun
A yan s neɛmmeṛ nniyt, iṭṭel ka g-i(ne)ɣ
Ur iɛdel, ddunit a(d) g-is ikaber yan
Meqqar g-is illa zzin, iga zud ayyur
Ddunit ur tegi tizzla, nekkin hnnaɣ
Tṭemɛ d lɣṛeḍ iggutn ur illi g(itn)ɣ
Illi tera ka ra(d) telkem ur a(d) ten d-nerar
Icca kra tiremt, ur g-is iḥreg afuss
Ula brin, ula ɛregn awddi g-isentt
Yan iga Ṛebbi d lɣwcim, ttazzal at !
Manik ra(d) teskert i lɣṛeḍ a(d) awen d-imun ?

Illa yyi nn udad ɣ ufella iýaṛifen

Illa yyi nn udad ɣ ufella iýaṛifen
Anniɣ abrid ur dar-i illi uduku nnes
A wanna iran ad beddn ɣ umalu nnem
A tallimt, eg ifrig i turtit nnem !
A ɣi-nna s k ukan iwin larzaqq nnek
A(d) ak isaɛd Ṛebbi, nefreḥ, nega ṣṣdiqq nnek !
Nniɣ ak a ul inu, ṣṣber yuf ad gen winnek
Ufiɣ-nn g-is asafar i ugayyu nu
Ufiɣ-nn g-is asafar i tasa nu
Illa yyi nn udad ɣ ufella iýaṛifen
Anniɣ abrid ur dar-i illi uduku nnes