A(d) k d-ismun Ṛebbi d unẓar a (y) aṣmmiḍ !
Ad daɣ isu ujddig, a(d) ixlef, ar ittenwwaṛ !
A(d) k id-ismun Ṛebbi d uslal a (y) asafar !
A(d) g-is necc imikk ad d-ikkes asnnan i ul !
A(d) k id-ismun Ṛebbi d itran a (y) amanar !
A(d) k d-ismun Ṛebbi d lḥrir a (y) acakuk !
Ad yyi ismun Ṛebbi diwen a yan iḥnnan !
Ɣik-ad ismun udi d uslal ɣ temkilin
Ɣik-ad ismun lluz ɣ tellit a (y) atay

Ad akkw ur taɣ teguḍi walli nn-iɣaman !
A waxxa d ur iḥaḍer illa lukil nnes
A tella lmaḥabba ger ulawen, ḥnnan
Ur ak inna yan ugwreɣ k, ur a ss-rek iluḥ
A hann ur kaberen medden, kullu ten sllemen !
Kullu gan zund iḍuḍan, creken yat tiremt
Mla nufa a(d) bedda gin ussan lfaraḥ
A(d) sul ur tili taẓit ula ma yallan
Lxir af a(r) yyi itteṛbbun willi aɣ yurunin
Lɛaṛ ur g-isen lmziyyt, ur a(d) ten salaɣ

Allah, Allah
A(d) k d-ismun Ṛebbi d unẓar a (y) aṣmmiḍ !
Allah, Allah
Ad daɣ isu ujddig, a(d) ixlef, ar ittenwwaṛ !
Allah, Allah
A(d) k id-ismun Ṛebbi d uslal a (y) asafar !
Allah, Allah
A(d) g-is necc imikk ad d-ikkes asnnan i ul !
Allah, Allah
A(d) k id-ismun Ṛebbi d itran, a (y) amanar !
Allah, Allah
A(d) k d-ismun Ṛebbi d lḥrir, a (y) acakuk !
Allah, Allah
Ad yyi ismun Ṛebbi diwen, a yan iḥnnan !
Allah, Allah
Ɣik-ad ismun udi d uslal ɣ temkilin
Allah, Allah
Ɣik-ad ismun lluz iɣ tellit a (y) atay