Nekka tt inn hnnaɣ
Neg ixf inu ɣ illi riɣ
Lliɣ ur ta sseneɣ ajjig is g-isen tamment
Ass lli nemḍi tamimt ad usiɣ aṭṭan
Neɛum i ddunit, neg aɣrib, ar nesiggil
Mad aɣ ittedawan nɣ a kemmln a(d) tehnnaɣ
Ifa yyi ufuss i wayyaḍ yan ur isslkemn
Mad riɣ lbḥur n tayri a(d) ten jjaleɣ ?
Nesmun asmammi d wawal, neɣer ak a Du-Ljalal
Ɣit aɣ nɣ tiwit ṛṛuḥ s dar-un !
Ihnna lḥal, ihnna zzman
Mad d-iggwran ? Yak ur ixwcin ?
Inna ira Ṛebbi ka d-ittackan
Allah-ukbaṛ a gar asmun
A(d) t ukan tasit ihul kwen
Allah-ukbaṛ iɣ immut yan
Ifel-d aḥbib nnes iddulla ukan

Ar tallat a tasa nu
Zayd a tiṭṭt inu f imṭṭawen !
Ur imkin ad ajjen yan iɣ isleḥ ad d-ik imun
A ccahwa kemmi a giɣ iran ɣik-ad
Ajj ati laxbaṛ-ann

Lilali walalal
Wa (y) immi, wa baba
Ar allaɣ, ur sul nessdem yan
Iɣ nefiss tasa tagwm zund aman
Imma tawla lli g illan, ur tt issen yan
Ma yyi nn-tegit, tamaḍunt a (d) as nettara
Ur illi ddwan nnes dar uḍbib ula agwrram
Lḥubb ad imlek tasa, ḥregn ul inu
Wa (y) immi, wa baba
Ar allaɣ, ur sul nessdem yan