A sir a sslam ! A sir a sslam !
A sir a sslam ! A(d) k azeneɣ i laḥbab

A sir a sslam ! A sir a sslam !
A sir a sslam ! A(d) k azeneɣ i laḥbab
Ur g-igi ṣberen ula ra(d) g-isen ṣbereɣ
Ajj at a(n)ɣ a(d) nessen ma rad lhuɣ !
Ara amareg ! A(d) nesstu lhmum n zzman
Yan ifeln ayt-dar-s ifel tagwmat
Ifel laḥbab, ullah ar d-ittendem !
Mel at aɣ ma ra(d) neskar i kra ɣ medden !
Ad aɣ ismun Ṛebbi d ayt-lɛaqqel !
Ur illi cciṭan ma(d) igan medden

A (y) amareg ! A (y) amareg !
A (y) amareg, ur ufiɣ ad diwen bḍuɣ

A (y) amareg ! A (y) amareg !
A (y) amareg, ur ufiɣ ad diwen bḍuɣ
Ajj at a(n)ɣ a(d) nessen ma rad lhuɣ
Ara amareg ! Ad nester lhmum n zzman !
Yan ifeln ayt-dar-s, ifel tagwmat
Ifel laḥbab, ullah ar-d ittendem !

A (y) aẓnkweḍ, a (y) aẓnkweḍ
A (y) aẓnkweḍ, i Ṛebbi cuwweṛ at i udrar !
A (y) aẓnkweḍ, a (y) aẓnkweḍ
A (y) aẓnkweḍ, i Ṛebbi cuwweṛ at i udrar !
A mani aɣ ra(d) tenjemt i yan igwmern ?
Yusi rrṣaṣ n sslaḥ, iẓeṛa kwen