Hann ifulki ujmil iɣ t ifel yan ilan lɛaqqel !
Inna s ifta lan lqqimt ur ra(d) yili ɣ tekrrayt
Mamnek ra(d) izri ul yan ur ittun lxir nnek ?
Ass nna aɣ t ttemaqqart is a(r) yalla s lfreḥ nnek
Aḥḥ nnek a bab n tayri keyyi ka(d) ittemrratn !
Wanna mi teffuɣ f lḥanana ur tentt issen
Manikk a rad ig yan iseɣan ayyis ur ten isiyyes ?
Ass nna ffuɣn s lḥrekt ur ra(d) yawi tasmɣurt
Tarigt ur tega tinnes, ur ra(d) issen lqqima nnes
Ur umuneɣ yan isawaln iɣ aɣ ifa taciṭant
Iga ul inu bu-nniyt ar ittamen tamatart
A ccahwa lli d-iṛuḥn, is tekmmelt lxaṭer nnem ?
Õafi, teṛmit ilulluyen ur a(r) ten sul teɣawalt
Hann ifulki ujmil iɣ t ifel yan ilan lɛaqqel !
Mamenk rad izri ul yan ur ittun lxir nnek ?
Ass nna aɣ t ttemaqqart is a(r) yalla s lfreḥ nnek

Ɣik-ad irxa uḥbib a(d) awen inna sameḥ at aɣ !
Iɣ nn-iẓeṛa wayyaḍ issen ma f kwen felen
Kulllu yan k ur iẓẓimẓiyn iɣ a(r) k issimɣur
A yiwi-d kullu ungi (??) kra issntel ul
Iɣ ur iṛeẓi lmaḥabba ar fell-as nesawal
Ɣik-lli tega ɣik-ad ur fell-as neɛiwwil
A walaynni ɣil-ad gan iwaliwen mennaw
Hann a tayari, takndawt ad kwentt iwalan !
Ar nettikṣuḍ ɣ temda ɣ ur llin waman
Ass nna ɣ tengi rad as ifrek unafal
Yan ur iɛcern ṭṭelba ur issin lḥuruf
A talluḥt iɣ kem id iseɣa, ma rad ttaran ?