Winu tefelt yyi d ul nnun ɣ ugwnes nneɣ
Ar yyi izziwiz inna yyi nera dar-un
Zund iɣ d-i tegawart zund iɣ d-i tengarat
Inna ɣ ka tellit lqqleb ar kwen ẓeṛṛan
Zund agḍiḍ ad iga ul inu, igllin
Ar ittaylal iggammi m f rad d-itteres
Winu tefelt yyi d ul nnun ɣ ugwnes nneɣ
Ar yyi izziwiz inna yyi nera dar-un

Mek-nna iga yan rad afin zund nettan
Im Ṛebbi ad d-yawi lxir i yan iḍmɛan !
Netta d ṛṛḥemt a(d) iga ad itteḥubbu yan
Itemma ṣṣber nnan t igaderen ɣ ignwan
Arraw n lhemm iɣ sul mẓẓiyn iga yan
Ira g-ik ɣaman tennnit asen, igllin
Imma yan lḥubb iɣ g-ik iluḥ s iẓuṛan
A ul itteḥnnun, mun at, ad ur tengaram !
Im Ṛebbi ad d-yawi lxir i yan iḍmɛan !
Netta d ṛṛḥemt a(d) iga ad itteḥubbu yan

A bu-tayri ɣ igḍaḍ ur a(r) tefarrayen
Ullah a mek nessen mad ukan tufamtt
A tasa ifeln aḥbib lli f tenwamtt
A walli igan aɣrib a mu teḥyyalt
Walli k ibnan, a lbṛeý, a sar kwen ffuɣn
Illa ma(d) iḥubban taduli ad ak tentt ikkes
Illa ma iran ad k yajj, teṭṭeft lqqimt
Ass nna ḥubban medden ma(d) ur immimn
Hann a (y) ayt lɛaqqel iga yat tematart !