Da Koarl, der sitzt vor‘m Kirch‘nwirt
Am Bankerl bei a‘m Schluck
Und sogt: „Schau, schau
Do kummt a Leich‘nzug!

Hint‘ marschier‘n die Pharisäer
Und vurn die Bloßkapell‘n
Jo mei‘ da Sepp
Der wird uns olle föhl‘n

Doch ich gelobe bei mei‘m Achterl
Sollt‘ ich jemols sterb‘m
Dann sicher net als reicher
Bei mir gibt’s nix zum erb‘n!“

Des letzte Hemd, hot kane Tosch‘n
Ganz egal, wie vü du spoarst
Nix nimmst mit
Ka‘n Euro und ka´n Grosch‘n
Wenn du ins Graberl foahrst

Da Kirch‘nwirt schiaßt hin und her
Weil‘s net so oft passiert
Dass ma 50 Hendln
Für an Leich‘nschmaus paniert
Da Koarl der sogt zur Kellnerin:
„Irmi brems di ein
Da Sepp is furt
Und furt is auch mei‘ Wein!

Drum bring ma‘ no a Achterl
Und setz di her zu mir
Und schreib dir auf mei‘m Deckl auf
Wos i dir jetzt diktier‘:

Des letzte Hemd, hot kane Tosch‘n
Ganz egal, wie du di a darennst
Am besten ist du trinkst
Glei die ganze Flasch‘n
Bevor‘st im Krematorium
Wie a Fackl brennst.“

Beim Kirch‘nwirt is Sperrstund‘
Da Koarl wankt hin zur Schank
Und sagt: „Bevor ich ging
Ich stets noch einen trank!“

„Stör mich nicht“
Sagt drauf der Wirt
„I moch grod Kassensturz“
Dann wird er bleich
Follt um als wie a Eisen-Wurz
Hingestreckt vom Herzinfarkt
Haucht er sein Leben aus
Der Karl geht mit der Kassa
Und dem Resümee nach Haus:

„Des letzte Hemd
Hot kane Tosch‘n
Ganz egal,wie du a spekulierst
Nix nimmst mit
Wirst noch a mol sauber
G‘wosch‘n, bevor du
Am Friedhof kompostierst.“

Darum bleib‘ gelassen, überhol‘ nicht deinen Sarg
Denn nur in der Ruhe liegt die Kraft

Pflücke, carpe diem
Jeden neuen Tag
Genieß den Rest des Lebens und den Rebensaft weil:

Des letzte Hemd, hot kane Tosch‘n
Ganz egal, wie vü du spoarst
Nix nimmst mit
Ka‘n Euro und ka´n Grosch‘n
Wenn du ins Graberl foahrst