[Testo di "John White"]

[Strofa]
Chi dice: "'A vita è semplice" ha pigliato nu flash
Cchiù faje finta 'e niente e cchiù 'o problema po' cresce
Tutto chello ca accumencia po' sicuro fernesce
Si nun faje primma 'e cunte adoppo pave 'o 'nteresse
Ma tu nun m'hê maje lassato e ce penzo tutt''e juorne
Indipendentemente 'a chi teneveme attuorno
Spisso t'annascunne e adoppo poco po' tuorne
Nu legame fatto 'e suonne pure si 'a notte nun dormo
E je ca 'mmiezz'â gente me murevo d''o scuorno
Po' annanzo a nu microfono capette chi songo
Vedette 'a differenza tra 'o confronto e n'affronto
Hê fatte luce pe' vedè chi è nu bluff e chi è pronto
O forze è meglio 'a gente ca se passa p''o cazzo
Je sento ancora 'e allucche d''e guagliune d''a piazza
'E luce gialle fanno assaje cchiù brutte 'e palazze
E po' è normale ca 'a ccà dinto jesceno 'e pazze
Nisciuno ha maje pruvato a sta' 'a chest'ata parte
'O lato 'e chi lascia 'o bbuono a ll'ate e se magna 'e scarte
E quante songo 'e ccose bone fatte 'int'a 'sta vita
Je me perdo ancora dint''o surriso 'e nu buono amico
E pruvammo a immaginà je chi fosse mo
Si invece 'e sta c''a musica je fosse juto 'a scola
E pruvammo a immaginà che facesse mo
Po' penzo e me rispongo, e chi 'e scriveva 'sti parole
Si guarde areto, fra', je perdo 'o cuntrollo
Na sorta 'e crise 'e panico, ma senza folla
E nuje ch''e cuffie 'ncapa, stammo 'int'a na cella
Cammenammo sott'a ll'acqua sempe senza 'mbrello
E songo 'o figlio d''o quartiere addò so' nate 'e Showmen
Addò ch''e frate' mieje me spartevo 'a marenna
Ma è pure 'o posto addò po' facetteno 'e muorte
Azzicche 'sti tre ccose e picciò 'o munno mio è stuorto

[Interludio 1]
La pace è un'illusione

[Ritornello]
E quando so' caduto stevo stiso ccà 'nterra
E quante 'e vuje sanno overo che d'è 'sta guerra?
'A pace è n'utopia e nun esiste, nun s'afferra
Ma perde chi 'a perde e vence chi 'a tene

E quando so' caduto stevo stiso ccà 'nterra
E quante 'e vuje sanno overo che d'è 'sta guerra?
'A pace è n'utopia e nun esiste, nun s'afferra
Ma perde chi 'a perde e vence chi 'a tene

[Interludio 2]
La guerra è l'unica cosa che capiamo davvero

[Strofa 2]
E guardammo mo 'stu quadro tutte 'nzieme 'a luntano
E vedimmo si 'e culure l'aggio miso ô cuntrario
Me chiedo si songo je ca risulto pesante
O forze site vuje ch'ato sbagliato binario?
Chi pensa ca 'o milione po' risolve tutte cose
Chi è felice solo pecché s'ha pigliato n'iPhone
Chi mette tutt''e speranze dint'a na Michael Kors
Chi invece tutt''e weekend s'affitta 'e machine 'a corza
E 'sti guagliune stanno in cerca sulamente 'e n'icona
Che dà speranza ca c''a ponno fa' pure lloro
Vonno sulo capì bbuono che d'è mo n'emozione
Comme facevo je cu Jay-Z e Maradona
Nun vonno cchiù sentì 'o disagio e 'o dulore
Se vonno perdere 'int'a n'ammore 'e mezz'ora
Cercanno 'e capì buono chi è spuorco e chi è puro
Je pozzo dicere sulo: 'a musica è 'a meglia cura

[Ritornello]
E quando so' caduto stevo stiso ccà 'nterra
E quante 'e vuje sanno overo che d'è 'sta guerra?
'A pace è n'utopia e nun esiste, nun s'afferra
Ma perde chi 'a perde e vence chi 'a tene

E quando so' caduto stevo stiso ccà 'nterra
E quante 'e vuje sanno overo che d'è 'sta guerra?
'A pace è n'utopia e nun esiste, nun s'afferra
Ma perde chi 'a perde e vence chi 'a tene