[المقطع الأول]
نقطة من اليأس وقفت فيها إستنيت فيها دق الطبول
شموخي مقتول، نفس المحلول مبقاش بيجيب مفعول
البينج ساري جوا جسمي، بنسى إسمي، بنسى أقول
إن أنا بعافر في العقول، إن أنا بحاول أكون مجهول
إن أنا مريض بيكو، مفيش ولا شئ مفيد فيكو
عقلي يكون شريد يرضيكو، حروبكو لفكري أمان علشان بلاويكو
نسيتوا إن أنا الهضبة العليا عليكو مهما كبرتو عليتو
وصلتوا بقيتوا نصل مضاد وعداني وشايف إني اللي عديتو
ده ألف رصاصة طلعت منكو عليا ويسلم النيشان
دليل كدبكو طالع من بوقكو في طلوع الدخان
شبكة إتزان طموحي نطرت فيكوا بركان
كام إنسان منكوا خد كلامي وبني لنفسه كيان
وأنا اللي إتخان وأنا اللي إتداس وإتقال عليه مالهوش أمان
طالماً الحال المايل مال، هيفيد بإيه كتر الكلام
إزاي أنا قابل أكون معدوم في حياة مليانة حيرة وأوهام
أنا مش هستنى منكو إجابة، دي مش علامة إستفهام ده إنتقام
لكل وقت، معاكوا صدقت، عملت بجد، ما خونتش حد
العقل إتشد في جزر ومد وراح بالود وقابل سد
مبنى حب ليكو إتبنى مني وفي الآخر بيكو إتهد
كل واحد حظر من الناس فعلاً في يوم صدقت
كل يوم بيعدي بموت، بعيش إنسان في وسط أسود
حدود الموت على خطوة وخطوة عايزة إشارة تفوت
لو بنا شطوط أنا هابني سدود، سنين وأنا محبوس جوا سكوت
صراعنا طال وآخر المشوار الكسبان يكسب التابوت
[اللازمة]
كل مشاكلي إن أنا إنسان رفض يعيش على نمط الكون
ياما إتشاف مجنون، أكون أو لا أكون
كان شعار خلاني أقوم ، كل يوم هيجي يوم
كل كبت كان جوايا في طريق الفن دفعتو رسوم
كل مشاكلي إن أنا إنسان رفض يعيش على نمط الكون
ياما إتشاف مجنون، أكون أو لا أكون
كان شعار خلاني أقوم ، كل يوم هيجي يوم
كل كبت كان جوايا في طريق الفن دفعتو رسوم

[المقطع الثاني]
من ساعة ما بدأت حياتي أنا شوفت ألف حكاية
شوفت ناس كتير ضدي أضعاف كل اللي معايا
ومفيش مرايا بتوصف أنا مين، أنا رايح فين
صبرت سنين بسمع في صدايا
وكل ما باجي بقدم خطوة أحكي والناس تكره غنايا
عيشت في بيت وأسرة لكن وحيد قاتلهم الروتين
مهما بشوف تجديد في الفرح بروح بعيد وأكون حزين
أنا بغني، بتغني لمين، أنا كلماتي دي تمنها سنين
أنا بكمل وهفضل أكمل حتى لو الناس مش فاهمين
ألف نيزك من السما ينزل يستفزني في أفكاري
أنا مش شاعر أنا صاحب مشاعر ومشاعري في أحباري
كل ورق أنا دوست عليه بقلمي بيطول زمنه
مش محتاج لكلامي تقييم، محتاج جواهركي يقدر تمنه
مكاني مش هنا، مكاني أنا فوق مع نجم منور ونوره لوحده سندوا
كل واحد جابوا سكوتي، صوتي هيرجع ويجيب عدموا
نقط المطر تحفر الصخر، مش بالعنف بالتكرار
عمر ما كان شهرة إنسان هتكون بلغة النجاح معيار
إستمراري في تواصل كلامي للناس بطول إستمرار أنفاسي
أنا إنسان حياته أفكارو وعنيا كاشفة إنعكاسي
نفس واحد خدتو جاب في دماغي كل غلطة قديمة
المكسب دايماً صعب، لكن جوايا الأصعب الهزيمة
أيوه فشلت ولما غلطت كل واحد سابني وراح
بقى الفشل بالنسبالي فرصة مميتة للنجاح
ولكل الناس اللي كانوا حواليا أنا بإديا بنيت مقبرة
دفنت فيها كل غلطة ناس في يوم جابتني وره
[اللازمة]
كل مشاكلي إن أنا إنسان رفض يعيش على نمط الكون
ياما إتشاف مجنون، أكون أو لا أكون
كان شعار خلاني أقوم ، كل يوم هيجي يوم
كل كبت كان جوايا في طريق الفن دفعتو رسوم
كل مشاكلي إن أنا إنسان رفض يعيش على نمط الكون
ياما إتشاف مجنون، أكون أو لا أكون
كان شعار خلاني أقوم ، كل يوم هيجي يوم
كل كبت كان جوايا في طريق الفن دفعتو رسوم

[الجسر الأول]
كلامي مش مثبوت في بطاقة لكن متعاش
رفض يعيش على نمط الكون ...
ياما اتشاف مجنون اكون او لا اكون
كل جروح في جسمي بغير الراب مبخيطهاش
كل كبت كان جوايا في طريق الفن دفعتوا رسوم

[اللازمة]
كل مشاكلي إن أنا إنسان رفض يعيش على نمط الكون
ياما إتشاف مجنون، أكون أو لا أكون
كان شعار خلاني أقوم ، كل يوم هيجي يوم
كل كبت كان جوايا في طريق الفن دفعتو رسوم

[الجسر الثاني]
أنا رسمت كايرو تيم والرسمة راحت لناس مش قدها
بدل ما يبوّظوها لا بايدي أنا قطّعنها
فكان سكوتي ألف صرخة خلّت قلب الصمت أتغلب
عمر ما لقب جابلي المجد لا انا مجد لاي لقب
[اللازمة]
كل مشاكلي إن أنا إنسان رفض يعيش على نمط الكون
ياما إتشاف مجنون، أكون أو لا أكون
كان شعار خلاني أقوم ، كل يوم هيجي يوم
كل كبت كان جوايا في طريق الفن دفعتو رسوم
كل مشاكلي إن أنا إنسان رفض يعيش على نمط الكون
ياما إتشاف مجنون، أكون أو لا أكون
كان شعار خلاني أقوم ، كل يوم هيجي يوم
كل كبت كان جوايا في طريق الفن دفعتو رسوم