[المقطع الأول]
متكتف من جوة، مسلوب مني القوة
جوايا مليون إحساس واللي أنا عايزه رافضه هو
لو الليل بلع الشمس، كان يكفي نجمي
نجمي بيغيم ووحش الظلام ناحيتي بيجري
قبل ما أتكلم بفكر، قبل ما ببني بدمر
قبل ما أتناقش بدور وبقولك البشر كلها بتحور
محبوس الأسد في عرينه، طليق القط بين الأحياء
عندي مشاعر ليكي كتير، لكن معمولها إخلاء
روحك تاية وخايفة، بتلقط في النفس
أول ما بتطلع الشمس، بتروح تستخبي في الونس
هتعيشي خايفه من اللي جاي، وإسمي مستحيل تنسيه
من الأول كان لازم تقيسي، مش قادرة تلبسيه سبية
في دماغي فكرة وورقة وقلم وقشر ومناديل، أيوة زباله
طز في الثوابت والحواجز، الحالة أهم حاجة
الحب مزارش موبايلي، غير لما رقمك ظهرلي
بس شبح الفراق كشرلي، وقالي سيبها تلزمني
مسحتلك الجروح بديتول، مسحتيلي شخبطه الكشكول
كان بينا كيميا، لكن كان حالنا واقف زي ما يكون أبو الهول

[الجسر]
عايز اتجاحد يا أشباح وقلبي بيحن خدوه
عارفكم كلاب لما تجوعوا وقلبي بين إيديكوا هتاكلوا
زهقت من الدنيا يا هو، أنا واحد يا يقتلكوا يا تقتلوه
لو هتقتلوه هتريحوه، ياريتكم هتقدروا
[اللازمة]
غامري، روحي غامري
غامري، روحي غامري
غامري، روحي وغامري
غامري، غامري

[المقطع الثاني]
فراقنا كان كارثة كونية، لكن أنا لسه صلب
وقفت وعمري ما هقع، حتى لو كان وقوع في الحب
الوقت ضيق والدنيا فانية
فرح في ناحية، وجنازة في التانية
مش هقبل أبقى ضل، لو الضل ضل حيط
حتى لو الحيطة معدولة مش مايله
شربت قهوة عشان أبقى عملي، مبقيتش
مفيش أحترام على أكمل وجه، الموت مبيستأذنش
كنت الدولفين الوحيد في عالم القرش
مشاكلي عملت سويتش، نفسيتي محتاجة ونش
قلبي طريقه من هنا أهو
عمرك ما تاكليني غير بس وأنا سخن
كل كلمة حب حلوة بعتبرها محن
إحساسي الرومانسي في قمة البخل
من كتر السخونة والجنان بردان
جان مان، چان في كيان إنسان
بقولك إيه أنا كوم وهما كوم
أنا جاثوم، لما بيجي في النوم
بلاقيني في العموم شيطان
متلومينيش، هو ده حظنا
متمثليش، السبكي مش هنا
متحوريش، كفاية لحد كده
مش لازم يكون مننا حد يبقى كفش فدي
اللي مضايقني مش إني بسيبك
إن ربيع عمري جه في خريفك
وإنك نسيتي، إنك قويتي
لما لقيتيني باخد بأيدك
عقلي صدى كله قطران
بقيت زي الشعراء خربان
بكتب في السياسة والقرف
ببيع الصبر لأهل الشيطان
مفيش معاذير، رامي وراكي قله مع ذير، خلصنا
قلبي كبير، هسميه النني ومش هيفارق الدكة
أسد، إجمعيني تلاقي لون قلبي
عندي غشامتي حتى على نفسي
مش أيوبي ولا أموي، أنا دموي
في الحب أبدا بالفموي
[اللازمة]
غامري، روحي غامري
غامري، روحي غامري
غامري، روحي وغامري
غامري، غامري
غامري، روحي غامري
غامري، روحي غامري
غامري، روحي وغامري
غامري، غامري