[المقدمة]
الدنيا واقفه على الجبهة، متعمر السلاح في جنابها
بترازي في اللي مالوش مدير واللي ميعرفش يكسبها
سيبنالهم الفلوس والنفوذ ومشينا خطاوينا وعنينا على الأرض
ليه عايزنا نخاف من اللي عنده فلوس، وكإن الفلوس بتعض

[المقطع الأول]
وكإنهم هياخدوا زمن غيرهم أو جايلهم السنين العجاف
وإحنا يا دار عشان إيجار ملناش أي حق حتى في الهتاف
يا أرض الدلتا، هتيجي من العالم التالت إمتي
استوردنا من الإبرة للصاروخ، وأدينا استوردنا الفكرة
في بلاد المسلمين والأزهر الشريف، بيصلوا عكس القبلة
قناة جديده، قناة قديمة، الفواتير بتغلي، وضغط وسكر يعلي
الغرب، يعملوا ابلكيشن، يكسبوا أكتر ما بلدنا بتحرق
العمدة بيسرق، واللي يبحلقك يلبس أزرق على الملجأ
غفلونا، في الجهل غرقونا، يدونا مية وسخة ويحلبونا في الفاتورة
بالجهل بيحاوطونا، والأسم بيعلمونا، ما تشوفوا حال العيال أنا مش واكل داتوره
في إيدينا مايك مش في إيدينا بندقية، إحنا مش ناس ارهابيه يا أحمد يا موسي
كل الحكاية إن كل الطرق جهنم، وببان الجنة في وشنا قفلوها
ليه مقفلها علينا يا مغاوري، ضرايبنا دافعينها فوري
بكره الأهلي والزمالك يضحوا للجيش بكاس ودوري
في حضن البحر الناس نايمين، والإنقاذ على البسين
شبعانين بكا طفحانين تقسيم، طلبنا العدل، قالوا خاينين

[اللازمة]
فوق يا غدنفر، إحنا مش عايشين في الغابة
أبو بدلة الموقر، حياتنا بقت بحر ونقالة
الواقع ممر، مفيهكمش عنتر
كلامكوا مسكر لكن عيشتكوا صومال وريحتها مجاري
فوق يا غدنفر، إحنا مش عايشين في الغابة
أبو بدلة الموقر، حياتنا بقت بحر ونقالة
الواقع ممر، مفيهكمش عنتر
كلامكوا مسكر لكن عيشتكوا صومال وريحتها مجاري
[المقطع الثاني]
والاعلامي لابسلي البدلة، وفاكر كل الناس هنا هبله
يموت المنطق واللي بينطق لو كان ينطق عكس الطبلة
بين الحداد والحداد حداد، اتحدوا الاولتراس ومصر أستأد
الزنجي حكم أمريكا وإحنا هنا الفلوس بتحدد مصير العباد
رجالة لقمتها طفحها الشر، فا راحوا بلا راجعه في حضن البحر
عشان معناش ملايين داخلين الحسبه زي حروف الجر
أكتر عصر في مصر سياسة، والسينما بلطجي ورقاصة
وفروا للشباب، صافيناز ورحاب، طالما صعبوله وغلوله الجوازة
إقفلوا الأناشيد الودن اكتفت، كدب وتطبيل مش هنحن
الرجالة هنا بالملايين، لكن المليون بشلن
يا وائل الجنيه غلي الجاموسة، ورخص الإنسان
لحم الحمير إتباع باختام، والقمح رمله والمية صنان
الدنيا هنا متاهات متاهات، الإشاعات في بلادنا بلاد
مصر بقت خلصانة بشياكة، وقصر الباشا مليان خيرات
الدنيا واقفة بالناس، عشان الناس دي مالهمش ناس
كساكيس للناس اللي في الأساس، قايمين نايمين علي حق الناس

[المقطع الثالث]
مش متكلبش ومش حر
وصلنا لإن الكلمة بتضر
بلد العالم فيها بيسافر
وأي لبوة فيها تؤمر
الشنبات هنا مبرومة يا خال
والشعب يا عيني ميال ميال
قرطاس الكورة بقي سياسي
ورجالة الكورة ورا الاقفال
يا شعب ليه عامل عبيط
زي طفل عايز حد يتولاه
ريهام سعيد جاتلك تاني
لا وفين، على نفس القناة
قولتلكوا الصفوة وسخة
تسعين في المية ناس نجسة
طول ما موسي وبكري في اعلامكم
كسم الشاشة مش عايزها
[اللازمة]
فوق يا غدنفر، إحنا مش عايشين في الغابة
أبو بدلة الموقر، حياتنا بقت بحر ونقالة
الواقع ممر، مفيهكمش عنتر
كلامكوا مسكر لكن عيشتكوا صومال وريحتها مجاري
فوق يا غدنفر، إحنا مش عايشين في الغابة
أبو بدلة الموقر، حياتنا بقت بحر ونقالة
الواقع ممر، مفيهكمش عنتر
كلامكوا مسكر لكن عيشتكوا صومال وريحتها مجاري