[المقدمة]
نبدأ بالمعاتيه شوشو قوم أقف أنا جيت
معاك اللي مخليك قاعد في البيت تتخن بعد ما خسيت
بتفكر فيا وبس خانقك خنقة أندرتيكر
‫بتحاول تقف ضدي مع مجموعة الـ Mother fuckers

[المقطع الأول]
ده مش ديس ده إعادة تأهيل لذكر الفيل
ياريتوا ما جبهم جوة وكان جابهم على المنديل
يا شوية لحم معفن اركن فكك من التشنيب
اسمع يوسف جوكر واعتبر إنك في مركز تدريب
مبقاش غيرك إنت اللي يطلع يتكلم ع الخرق
ده إنتوا عيال اللي يسكتلها يستاهل الشنق
نخش على ديدي بيحكها لرابع مرة
هاخدك في نص الكورة الأرضية همسح بيك بحورها
عارف طفح بيك الكيل، بس إنت دمك تقيل
إفهاتك تروح تنافس بيها الكوميدي خليل
وعد مني مهما هعلي هاخدك واعليك
هشهرك بإنك اللي يوسف جوكر بيشوط فيك
وقعت من ع البيت؟ يختي ألف أسم الله عليك
سيبك من أبو الصحاب أبو نيكة أحسن ليك
ريحي ضهرك يا ديدي وبلاش تنكشيني
يا أما هنزلك في ملعبك بالبكيني

[اللازمة]
بقيت بحس إن أنا عشان أعجبكوا كجمهور
لازم أكون لايق ع الدور، بمعني أصح أكون مشهور
إوعوا تمشوا دماغكوا شمال، عشان الناس دي شمال في شمال
لو في السفينة اللي يستاهل إنه يكون قبطان، أنا هبقى معاه
[المقطع الثاني]
ما بين إنتظاري، وما بين إنتصاري
أسوار كتير بتسد بيني وبين رؤية مداري
والتافه اللي لعن الكل لما الفرصة جاتلوا
يشد السطر براحتوا ويخرف ويتفخدلوا
بالكيبورد مش بالراب إتريقت على الكل
شكلك نسيت إن البيوت مليانة كيبوردات
أنا في الديسات مش بلعب ولا بقول لخصمي فل
البانش مني ع البيت يطلع ياخد ميداليات
ازيدكوا من الشعر بيت، يا اللي بتبنوا إله جديد
من الكفر في الأناشيد، بقيتوا عبيد عند العبيد
هاتوا هيروديت جديد، وعاملوه بنفس المعاملة
لو عاش معاكوا سنة كاملة التانية هيبرشم أكيد
لو هتاخدوا بالمفيد، ماشي نديكوا المفيد
لو كلامكم بيطلع بترول فأنا كلامي كبريت
لو الأرض هتايدك هلف عكس الأرض
مش هسيبك إلا وزاوية ميلك نايمة لتحت

[اللازمة]
بقيت بحس إن أنا عشان أعجبكوا كجمهور
لازم أكون لايق ع الدور، بمعني أصح أكون مشهور
إوعوا تمشوا دماغكوا شمال، عشان الناس دي شمال في شمال
لو في السفينة اللي يستاهل إنه يكون قبطان، أنا هبقى معاه

[المقطع الثالث]
الأغلبية تكسب مش معايا
آديني لوحدي وداخل أخلص فيكم واحد واحد ورا التاني
إنتوا اللي بداتوا، وأنا عاجباني الحكاية
حتى لو هموت الجواكرة واقفين مكاني
بيرموا الناس بإزاز الكاس بعد ما شربوا الشيفاز
لما أرميهم أنا بنفس الحاجة بيفتحوا الترباس
مش عشان يواجهوني، عشان يشتموني
رافعين قضية عليا عشان الناس مش بيحبوني
إعرب ياللا، خد مش إنت برضو فان أستاذ النحو؟
اللي ملبسك قرطاس عشان متحسش بالجو
الجو بارد جداً لدرجة إنك متجمد
مش عارف تتحرك غير عشان بس تقول جامد يا أحمد
متغفل مش فاهم، حتى الفاهم كاتم
حتى اللي مش كاتم ساكت
والساكت بيساهم إن الجهل عامم
أنا مش برفع ايدي غير عشان حاجتين إتنين
عشان أدعي الله وعشان أجيبوا من فوق تحت الرجلين
لما قالوا إنك شاعر مالهوش زي
كل حروف الأبجدية إتحولت للنفي
ده آخرك بتهرب؟ ولا خايف تضرب؟
لو التحدي في سم روحي هتخرج جسمي هيشرب
كل روح تموت الموتة اللي تناسبها
أي حاجة انت بتكسبها أعرف إن أنا اللي سايبها
زي جمهورك اللي بتكرهوا من جواك ومش مبين
ولو حبوا هتبقي بنفس طبعوا عضمك لين
عارفك هتمشي تقول إن أنا عدو نجاحك
لكن يكفي إن إنت بسببي ماشي وبتجرجر في جراحك
في الساقية لما نزلت ومعاك بالعربي ريكورد
الكل كان بيرتجل وإنت حبيت تنط
لقيتني واقف، حسيتك خايف، تيجي تحت الدرس
دخلت آه وغنيت لكن كلامك طلع ڤيرس
ببقي أوسخ من إبليس في العند لو الموضوع يخص الراب
لو إنت ذئب فلأنا الراقص مع الذئاب
مش هتلاقي أحسن مني ولا هتلاقي أسوء
عندك الخريطة في جوجل فيها كل البلاد
البار الأولاني مش بتاعي لكن دخل دماغي
لما سمعته لإيمنيم في تراك سو باد
يا أبو شنب من فضلك عرف الأمورة
إن عمق البحر بالنسبالي ملعب كورة
يعملوا رجالة وفي الواقع يهربوا من سيركلاتي
بيخافوا يجازفوا يتلوسعوا من كرابيج ديساتي
هات هيدفونك وخش وإسمع كل الميتين
هتلاقي الميتين في الساحة ماتوا من كلاشاتي
أنا عندي شر يكفي الساحة سنين
عندك شوشو وديدي وجيجي
وعندك كرسي فاضي باقي
[اللازمة]
بقيت بحس إن أنا عشان أعجبكوا كجمهور
لازم أكون لايق ع الدور، بمعني أصح أكون مشهور
إوعوا تمشوا دماغكوا شمال، عشان الناس دي شمال في شمال
لو في السفينة اللي يستاهل إنه يكون قبطان، أنا هبقى معاه