[المقطع الأول]
تعالى معايا، حتى لو كارهني مش مهم
ما أعتقدش كرهك ليا زي كرهك للدم
إخرج من حضن ماما، إلبس لبس الشهامة
سيب الفيلم الأجنبي وإنزل شارك في الدراما
خايف يشوفوا في إيدك مصحف عشان
لو شافوك هتخش نفس عنبر الإخوان
بتحلق دقنك لكن وإنت مش مقتنع
ما تدخلش القسم بمصحف أحسنلك خش في إدمان
نفسه يكون تعبان عشان الإسعاف تجيلوا
لإنه لو تمام الحكومة اللي هتجيلوا
شايفنا رخاص نستاهل الضرب
على الحدود دمنا ضمن مخلفات الحرب
حاسبين الشهداء من صفوف الأعداء
بقينا نحسد الجن على وضعية الإختفاء
لكل شاب مصري شهادتين إلزاماّ
فيهم واحدة خريج كماين قسم الإهانة

[اللازمة]
اللي ماتوا عشانك مش قليلين
ماتوا عشان تعيش إنت بالقوانين
إحنا بيقتلنا خوفك من الطاغوت
هما خافوا من الله وإنت خوفت من السفاحين
كل ما المدافع تكتر يقل عدد اللي ما بيخافش
بخاطب اللي لسه يقدر
يقول الحق في وش طاغي ما بيرحمش
[المقطع الثاني]
بعترف إني النهارده مش زي أي يوم
مستغرب من الخوف، سكران من الهموم
نفسي أوصل الكلام لمسؤلين الدنيا
فجروني بدانة ومش هعترض ثانية
رئيس مباحث القسم الفلاني سعادة البية
راكب عربية تمنها تلاتة مليون جنيه
وده مش حقد ولو حقد مش جريمة
لأن ضرايبي هيا اللي بتصرف على المدينة
إنت اللي بتحميني بمقابل ما بتقبض مني
ما تبصليش بقرف ما ترفعش سلاح في وشي
مش بخاطبكم إنتوا، بخاطب رئيسكو
جواكوا كره ليا كإني ضاربكم على طيازكو
أنا إبن عاش مع مستقبل من غير أب
بتعاملني أقل ما أنا بعامل الكلب
البوليس بيحمينا من الأشرار
خخ إتفو على كليوباترا عشان عيون السيجار

[اللازمة]
اللي ماتوا عشانك مش قليلين
ماتوا عشان تعيش إنت بالقوانين
إحنا بيقتلنا خوفك من الطاغوت
هما خافوا من الله وإنت خوفت من السفاحين
كل ما المدافع تكتر يقل عدد اللي ما بيخافش
بخاطب اللي لسه يقدر
يقول الحق في وش طاغي ما بيرحمش
[المقطع الثالث]
الكرباج مجاش عليك عشان إنت في حضن ماما
وماما بتفرجك على إعلام الكوكو واوا
بتعوم في شرم الشيخ، شغال على حس بابا
بتغير رأيك لكن برضه في صالح العصابة
يا صاحبي أنا طلع ديـ* أمي أنا وصاحبي
تلاتة إستمرار والتهمة إني ماشي براحتي
مش هتصدقني ولو صدقت مش هتحس بيا
لأن وأنا في النار كنت إنت بتغطس في المياه
عارف، هقولك حاجة حصلت فعلاً
كان بيشتمونا أكتر ما الأذان بيدن
في الحياة بنعافر، بنشد النفس بالعافية
وإنت في البلالا لسه شايف السما صافية
مش بضايقك ولا يا صاحبي بايعك
أنا بس عايزك بالعقل تراجع رأيك
أنا مش بحقد عليك عشان أبوك أغنى من أبونا
الغنى غنى النفس وإصحى عشان بيغفلونا

[اللازمة]
اللي ماتوا عشانك مش قليلين
ماتوا عشان تعيش إنت بالقوانين
إحنا بيقتلنا خوفك من الطاغوت
هما خافوا من الله وإنت خوفت من السفاحين
كل ما المدافع تكتر يقل عدد اللي ما بيخافش
بخاطب اللي لسه يقدر
يقول الحق في وش طاغي ما بيرحمش