[المقطع الأول]
وقفولنا حرس الحدود
بيعوا الأرض لأهل سعود
حاربونا بكل ما تملكوا كده كده فكركوا في الصندوق
التعلب الأول في أول لفة
ورثني العار من وأنا في اللفة
التعلب التاني
كمل المسيرة وأدي سينا أهي
التعلب التالت الفاجر الماكر باع الآثار والتاريخ بالتذاكر
وبنالنا سجون ومشانق
خلانا عايشين في خنادق
والتعلب الرابع
خلى لوني القمحي طالع
يعلن عن ملامحي شارع
سايق في جيشي على المسامع

[اللازمة]
محبوس جوا روحي مخنوق، بطموحي حاسس إن أنا ماشي في النار
المظاليم بيلموني أول ما لقوني ماشي وسايبلهم الدار
كل كلمه تيجي تحت إيدي بتيجي باللي يجي في بالي وأكتبلكوا أشعار
والقصيدة زي البندقية هيا هيا البندقية روح والقصيدة أفكار

[المقطع الثاني]
هما الثوار علشان ثوار ينزلوا يعملوا كده أهو
من إمتى عشان حبة إنفار البلد هتسمع الصوت
سوق الوساخة والنجاسة بدعوه
سوق الكلام والأونطة بدأوه
أكل العيش بالميزان وزنوه
واللي مالوش ضهر يحبسوه
حاصرونا في المدينة
خلونا عالة على أهالينا
ولا فيه وظيفة نص نضيفة غير لما يستخصروها فينا
الغلبان على خط النار بيحمي كروش بشوات العار
ويصدرونا ليهم
وطبعاً جهلهم ماليهم
[اللازمة]
أنا ماشي في طريق بلا عنوان لكن أنا إنسان معروفله طريق
مش ماشي زي البغبغانات علشان يتقال إن أنا وطني
كل يوم بلاقي سهمي في الأيام خسارة لكن الخسارة فعلاً إني أبيع نفسي
مهما سلاحكو يضرب فينا مش هننخ ليكوا، كفاية إن الحقيقة فيكو بيهزها قلمي

[المقطع الثالث]
عواد باع أرضه لا والله
عواد باع أرضك إنت يا أسطى
سيبك من القرد اللي لاحسها وفاكر إن العرص فيه خير لسه
تمن الأرواح سعر الطلقات وخدوا الأفكار على المعتقلات
بوم، ريجيني وبعد ما مات بيوزعوا موت في سبيل السكات
تتفرج على خطاباته
ساحر تعبانة إعلامه
يتحدثون بما لا يفعلون والتعبان بيغير ألوانه
اللي سرق واللي حرق حلف اليمين وصدق
واللي إتسرق لما أعترض إترمى في الشق
والتعابين مستنياه
الغلبان الله يتولاه

[اللازمة]
محبوس جوا روحي مخنوق، بطموحي حاسس إن أنا ماشي في النار
المظاليم بيلموني أول ما لقوني ماشي وسايبلهم الدار
كل كلمه تيجي تحت إيدي بتيجي باللي يجي في بالي وأكتبلكوا أشعار
والقصيدة زي البندقية هيا هيا البندقية روح والقصيدة أفكار
لكن أنا إنسان معروفله طريق
مش ماشي زي البغبغانات علشان يتقال إن أنا وطني
كل يوم بلاقي سهمي في الأيام خسارة لكن الخسارة فعلاً إني أبيع نفسي
مهما سلاحكو يضرب فينا مش هننخ ليكوا، كفاية إن الحقيقة فيكو بيهزها قلمي