[المقطع الأول]
هنا كله عايز
جايز شباب الدنيا عجايز
دُغري مشينا طلع مش عاجب
لفينا فخسرنا حبايب
كله مسيكب
فككوا مني ما حدش طيب
فاهم بينظر وجاهل بيعيب
وقت الميغة الكل قريب
مربوطة المظاهر بالغش
كل العسل معرفش
يحلي طعم الحياة
كإنها متغمسة بالمش
لساني صريح وما بجلونش
لساني أبيح وما بجملش
ما تمثلش
لقائي فرصة ما تتفوتش
لسه الدنيا بتشغلني بحاجات عمري ما حبيتها
كل شوية أخش سكة تخلي طموحي إن أطلع منها
الأدوية ما بتسعفنيش، رجوع الماضي مستحيل
الأسألة ما بتعجبنيش فجوابي دايماً مش جميل

[اللازمة]
سهل أنا وإنتي
يجمعنا بيت يا حبيبتي
بس لما الدنيا تمشي
بدماغ مخرج خيال علمي
ياه ياه، ياه ياه
الحلم مرض بس حلو وعاجب صاحبه
مستهون بيه عشان ما حدش مات بسببه
مفكر إنه لوحده وطوب الأرض شبهه
لو غفل خمسة هيصحى يلاقي الكل سبقه
[المقطع الثاني]
قالولي إتعب عشان تلاقي
سألت أتعب في إيه سكتوا
كل اللي عليهم مش هتبطل اللي إنت فيه يا جو
بطلوا إنتوا تتابعوا
بصنع مجد وإنتوا تلهوا
نوركوا إختفى لإني خاطفوا
واللي مش شايفني فيكوا
ده لإني أعلى من حواجبوا
سمعوني في كلام معسول رغم إن حياتهم مالحة
سيبت نصايح الفاشلين ومشيت في طريق الأساطير الناجحة
تعبت كتير إن جيت للحق
لفيت الدنيا مدق مدق
صبعت للقيود وقولت لا
وجيبت فلوس من قلب الشق

[اللازمة]
سهل أنا وإنتي
يجمعنا بيت يا حبيبتي
بس لما الدنيا تمشي
بدماغ مخرج خيال علمي
ياه ياه
الحلم مرض بس حلو وعاجب صاحبه
مستهون بيه عشان ما حدش مات بسببه
مفكر إنه لوحده وطوب الأرض شبهه
لو غفل خمسة هيصحى يلاقي الكل سبقه