[المقدمة]
صرفت عمري في لفة ما كانش عندي ليها نية (ياه ياه)
بس اللي بسطني إني سيبت بصمة في جبين الدنيا (ياه ياه)
قلبي الأبيض كان بيسوحني فلونته (ياه ياه)

[المقطع الأول]
ما قلتلكيش تعالي حبيني
قلت إن جاي منك إيجابي جيبي
مش جاي سيبي إيدي حليني
عادي المزيكا بتلهيني
بس بلاش في الرايحة والجاية
تفضلي تحلويلي في عينيا
أول لما بتقولي إزيك
بفتح قلبي ووضعي يتهيأ
دماغي مش عادية
هعيشك العيشة الأجنبية
هطلعك السما في عربية
هديكي مسلة فرعونية
لو شايفة الوضع شكلة مش هو
وإني غشيم واخدها بالقوة
الفكرة إنك لما تشوفيها شجر
عيوني بتشوفها غابة من جوة

[اللازمة]
صرفت عمري في لفة ما كانش عندي ليها نية
بس اللي بسطني إني سيبت بصمة في جبين الدنيا
قلبي الأبيض كان بيسوحني فلونته
إتشبحنت الدنيا رمتني على الجنية
صرفت عمري في لفة ما كانش عندي ليها نية
بس اللي بسطني إني سيبت بصمة في جبين الدنيا
قلبي الأبيض كان بيسوحني فلونته
إتشبحنت الدنيا رمتني على الجنية
[المقطع الثاني]
دنيا ناس وناس، هي دي الحياة
ماشية كاس وكاس، يخسر اللي فاق
عندي إكتئاب، كل شيء تمام
الفلوس جبال تيجي بإقتحام
إتعبيت سواد رجعني الحنين
‫لما كنت واد لسه أبيض clean
قالوا زعلت مين، قلت ناس كتير
الحمد لله نسيت بس ستيل حزين
الدنيا مش زي ما إنتي شايفة
عيني دايماً جايباها مختلفة
اللي دماغة ما بتملاش جيبه
حله يخش بيها في السلبة، ياه
كلها بتفسر أحلام
علشان كلها هنا بتنام
دنيا بتحدفنا بأشرار
وطول عمرنا نفسنا في سلام

[اللازمة]
صرفت عمري في لفة ما كانش عندي ليها نية
بس اللي بسطني إني سيبت بصمة في جبين الدنيا
قلبي الأبيض كان بيسوحني فلونته
إتشبحنت الدنيا رمتني على الجنية
صرفت عمري في لفة ما كانش عندي ليها نية
بس اللي بسطني إني سيبت بصمة في جبين الدنيا
قلبي الأبيض كان بيسوحني فلونته
إتشبحنت الدنيا رمتني على الجنية