[اللازمة]
نفسي السما تمطر الصح وهعيش أعبيه
شبح الاحتِضار إتنكر لكن لسه محاصرني

[المقطع الأول]
خسرت كل شيء، لكن كسبت نفسي
النهارده بس عرفت اللي بينفخوا في الزبادي إحساسهم إيه
خرشمتني الحياة، لكن ياريتك شوفتيني إمبارح كنت أجمد واحد فيها
مبقاش يحوق فيا منبهات
الإنتباه الكتير مضر ساعات
شايف الدنيا صفرا زي وشوشكوا
سودة زي قلوبكوا
سايحة زي وعودكوا
اللي بتتغير لما الليل بيدخل
مبقاش في الدنيا أي شيء بيبرق
كل اللي محتاجه إني مستسلمشي
عشان عارف إن اللي بيموت مبيتحسبشي
ياريت عاملتني زي الإسرائيلي وسابتني
في سلام جانبها ومتقلبشي
العالم متبنج ولا متيس
مش قادر أحدد مش عارف أركز
لو عايزاني أبقى مش كويس
ده أكتر وقت تمسكيني متلبس

[اللازمة]
نفسي السما تمطر الصح وهعيش أعبيه
شبح الاحتِضار إتنكر لكن لسه محاصرني
نفسي السما تمطر الصح وهعيش أعبيه
شبح الاحتِضار إتنكر لكن لسه محاصرني
[المقطع الثاني]
قولولي بتعيشوا في الحياة دي إزاي
ولا يمكن مش فاضيين تفكروا
العقل زينة، محدش بيعبره
كلكوا بتدعوا الصدق وكلكم بتحوروا
نفس النداهة كل يوم بتنده
بعكس القرآن والإنجيل والتوراة
المشاعر هنا عفنت وحبيناها
مش لاقي فرق بين المشاعر والرنجة
جيوش الكدب خلت الناس عبيطة
الهبل ضاف بلد جديدة للخريطة
الجريمة بقت أقوى من مكافحة الجريمة
والناس اللا قيمة أكتر من الناس الذو قيمة
مش عارف الحقيقة أنا لسه مستني إيه
ده المسيخ الدجال مستنيكي إنتي اللي تخشي عليه
وعد حر مني و وعد الحر دين عليه
طول ما مخك بيشتغل هتلاقيني فيه
هفضل أضرب في السجاير وأفضل أعمل في الأغاني
لحد ما تلاقي صوتي طالعلك من كل المباني
لحد ما تباني على الحقيقة تاني عشان نفسك مش عشاني
أنا الحقيقة مدمراني، هستنى تاني إيه

[اللازمة]
نفسي السما تمطر الصح وهعيش أعبيه
شبح الاحتِضار إتنكر لكن لسه محاصرني
نفسي السما تمطر الصح وهعيش أعبيه
شبح الاحتِضار إتنكر لكن لسه محاصرني
[المقطع الثالث]
Lonely, I am lonely
إخراج الدنيا ممنتجني
Lonely, I am lonely
السواد بيقولي عايز لون ليه
طول عمرك مملة وكتومة
زي قنوات الحكومة
سنانيرك موجودة، لكن ناقصها الإيد اللي تشد الحمولة
لا يذكر نهائي مالي وجمالي
طول عمري في حياتي قناعتي راس مالي
للآسف زماني رماني في مكان ناسه كدابين زي الهندي اللي بيحلف بالزبادي
هنا الحياة تعلمك
اللي تدوس على رجله إشتمه قبل ما يشتمك
بما إنك مواطن لو عندك مصلحة قرارات الجماعة هتصب فيك تبهدلك
أنا مش قدوة يحتذي بيها
أنا مش نبي متأفورش فيها
بس السماعة بتندهك للصلاة
هتخش الجامع مش هتلاقيها

[اللازمة]
نفسي السما تمطر الصح وهعيش أعبيه
شبح الاحتِضار إتنكر لكن لسه محاصرني
نفسي السما تمطر الصح وهعيش أعبيه
شبح الاحتِضار إتنكر لكن لسه محاصرني