[اللازمة: أحمد سعد]
منطقتي، دي حياتي، وفيھا أجمل ذكرياتي
أكبر مدرسة متعلم فيھا، الدنيا و واخد خبراتي
دي أصحابي فيھا، وجيراني فيھا، وحبايبي فيھا
ما في غيرھا جيھا تتحامى فينا، نتحامى فيھا
ما إحنا اللي ليھا منطقتي

[المقطع الأول: أحمد مكّي]
منطقتي ھي الطلبية
أول صحاب وحب وعدية كانت فيھا ھي
أكبر غواي حمام شربت منھم أصل الغية
فوق كل سطح في الطلبية مية فوق طبلية
رويت غزار وبرك وشقلباظ عبس والرية
حمامھا غطى شمس في السما في المغربية
أحلى عصير قصب يروي عروقك ساعة الظھرية
ما في في حلاوة طعمه ولو لفيت الدنيا ديّا
قالوا عليھا منطقة عوق وناس مؤذية
آه فيھا ناس ناشفة تاكل زلط وبلطجية
وناس قلوبھا بيضة وطﯿبة ومية مية
كل أنواع البشر تلقا منھا جوة الطلبية
سألت نفسي في يوم سؤال
ليه كنا بنتخانق وندافع عنھا ضد الغرب حتى وإحنا عيال؟
من غير تفكير نسخن نغير ننزل نتخانق وندافع ما يھمناش لو فيه سلاح أو حتى دم سال
بالنسبالي، مش بس منطقة دي مدرسة
إتعلمنا يا ما دروس في الدنيا طلعنا ھندسة
حبي ليھا، مالوش سبب حاسسھا حتة مني
لو طلعت من منطقتي، منطقتي مش طالعة مني
[اللازمة: أحمد مكّي]
منطقتي دي حياتي وفيھا أجمل ذكرياتي
أكبر مدرسة متعلم فيھا الدنيا و واخذ خبراتي
دي أصحابي فيھا وجيراني فيھا وحبايبي فيھا
ما في غيرھا جيھا تتحامى فينا نتحامى فيھا
ما إحنا اللي ليھا منطقتي

[المقطع الثاني: أحمد مكّي]
سر حبي ليھا إرتباطي بالمكان
وﻻ إني عشت فيھا أحلى ذكريات زمان
أيام ما كانت الحالة مايلة، والإيد مش طايلة
بس الناس كانت لبعض والحب في قلوبھا شايلة
عيشة أبسط من البساطة
في الحر تستمتع بشوب تمر وفي البرد تاكل بطاطة
لو حد عنده مشكلة تبقى مشكلة الكل
لو حد عنده فرحة تبقى ليلة الحتة فل
عيشنا ياما أيام محدش فينا شايل ھم
مھما كانت مشكلتك كله بيساعدك عشان تتلم
كانت أحلى قاعدة ھي فوق السطح جنب الغية
ريحة الرحان مالية المكان زرعته في الأرضية
أشرب حجر كومباجو قھوة سكريبتو مش مغلية
أفكر وأسرح والسما في لحظة غروب سحرية
كل ركن في حتتي له ذكرى ما أنسھاش
وعارف كل الناس أطفال شباب أو على المعاش
مھما قالوا عنھا ومھما زموا فيھا كتير
ھتفضل حتتي وليھا فى قلبي أكبر تقدير منطقتي
[اللازمة: أحمد مكّي]
منطقتي دي حياتي وفيھا أجمل ذكرياتي
أكبر مدرسة متعلم فيھا الدنيا و واخذ خبراتي
دي أصحابي فيھا وجيراني فيھا وحبايبي فيھا
ما في غيرھا جيھا تتحامى فينا نتحامى فيھا
ما إحنا اللي ليھا منطقتي