[المقطع الأول]
آه، مش هتلاقي تعريف للحالة
ولع في الصيف بس أسيب في الخريف رسالة
اللي بيشتغل نفسه فيش مدير يرفده
ورق في إيدي لسه شديد بلاش أكشفه
فريش على المَيّة بنزل بطرطش
ميرش ودي قماش غالي مش هسترخص
رقص مال مسرح العجائب
في الڤيزا مزرعة أرانب، آه
بذرة الغيرة أكيد شيطاني
الچيبة تقريبًا إيطالي
مكالمة ع الطاير زي زين الدين
بخبط فيك تروح الحرفيين
إحفظ شكلي بعد الصيف ده مش هتشوفني
من شباك أوضتي سنين شبابي بتفوتني
آخر خمس سنين فاتوني زي الكوبري

[اللازمة]
بعدين فجأة بقوم مفتكرك
ما أحبش المبالغة بس معاكي دماغي بتفلت
ما أحبش المقارنة عشان دايمًا تتنسبلك
مين فينا اللي غلط في التاني، دي مش هتفرق
ما إنتي بتغلطي في أمك لما بتبقى في حاجة ضدك
إطلع من المَيّة إتمشى ع الأرض
واحدة من مليون جبتها فرط
لوجو الشركة مَمضي على الظرف
الفركة تحلى لما تزود طرف، آه
[فاصل]
فهمتها، أهي

[المقطع الثاني]
قص الشريط بإيدي اليمين
قلب أبيض زي إبراهيم
المزة تسيب الكارت في جيبي
دب قطبي، التلج بيتي
فسّيلهم الكورة قولهم فركش
قالولي أقتله، ما قدرتش
أدوق الحلوة، أدوق المُرة
إزازة شامبانيا من السوق الحرة
طالعين بيزنس في سما برتقاني
"بدأت الجملة بـ"مع كامل إحترامي
تمن ماسكات جنبي في شارع أحمر
الفوز ما إتسلمليش، كان لازم أخسر
تحب من أول وجديد وبتكون متزاول
تاخدها سهل حشيش وتشوفوا الهلاوس
عايم في بحر الجنيهات بمايكل فيلبس
‫أعرف شباب يهكروك بـ Hyperlink
دايس في الملحمة بس تجيبش لأهلي السيرة
هلبس المريلة وأشفّي بسن السكينة
هدخل المحكمة متهم فضّي الذخيرة

[اللازمة]
بعدين فجأة بقوم مفتكرك
ما أحبش المبالغة بس معاكي دماغي بتفلت
ما أحبش المقارنة عشان دايمًا تتنسبلك
مين فينا اللي غلط في التاني دي مش هتفرق
ما إنتي بتغلطي في أمك لما بتبقى في حاجة ضدك
إطلع من المية إتمشى على الأرض
واحدة من مليون جبتها فرط
لوجو الشركة مَمضي على الظرف
الفركة تحلى لما تزود طرف، آه
[الخاتمة]
معنى عقد إحتراف
إن واحد في مجال معين، كرة القدم مثلاً
أو في مجال.. أياً كان المجال
زي مثلاً مو صلاح، ده عقد إحتراف
مصطفى محمد اللي هي اللعيبة دي، ده عقد إحتراف
عقد إحتراف معناه إن إنتَ موجب العقد ده
مالكش أي تعامل سوى مع الناس اللي متعقادة معاك بس