خرجيني من أوضتي ،تعالي - طلعيني للسما
بقالي تحت الأرض كام سنة ، وأنتي أخر أمل ليا أنا
الدنيا سودة في عيني بس لو حبيتي ألونها
ممكن أقتل شياطيني بس لو هربتيني منها x2

--
كنت موهوم بالاوقات
مابنا وعود مابنا احلام
دلوقت بقول ما بنا سلام
مابنا كلام في المناسبات

وانا وحدي لعادي طيب ناقص ايه
كل يوم بداري بس اداري ليه
بكره الصبح عشان بتجيلي بالليل
اعرف اني حنيت فا بقيت بكره الليل


--


إحساسي إني مليش وجود ، إحساسي صعب
مبقاش في برود
عايش في روتين ، عايش بموت ، مبقاش يوصفني
غير السكوت
لا أنا شبه دول ولا شبه دول فأنا مش لاقي من اللي
شبهي
كل حاجة حواليا وحشة ، فا متقوليش إن أنا اللي
سلبي
قلت اللي جاي يمكن يبقى أحلى بس شياطيني قالت إنسى
وكل حاجة قديمة وحشاني رغم إني برضه معشتش لسه
ولسه العمر بيفوت ، تحت الارض لسه مربوط
لسه شايفني جوه تابوت، ممكن تجيلي قبل ما أموت ؟


خرجيني من أوضتي ،تعالي - طلعيني للسما
بقالي تحت الأرض كام سنة ، وأنتي أخر أمل ليا أنا
الدنيا سودة في عيني بس لو حبيتي ألونها
ممكن أقتل شياطيني بس لو هربتيني منها x2


كنت موهوم بالاوقات
مابنا وعود مابنا احلام
دلوقت بقول ما بنا سلام
مابنا كلام في المناسبات 2x