Paroles de 3awd Lil "Mes3oud"[Couplet 1]
Kan ya makan machi b3id f had zman
Bdat 7kayte inssan w m3aha bdaw l7zan
Kan ya makan f 9arya jwayeh Ifrane
Rajel charef w haref ghadi 3la 7maro sekhfane
Sme3 ghwat dari sghir mn b3id bine lwedyane
Tbe3 sawt zerbane 7ta derri lih ban
Derri sghir yallah kharej mn kerch mo
Chno hna ki dir w f had lberd zra9 fmo
W9ef 9damo wl7mar tkhle3 mn lghwat
Hez 9damo w ztem 3la rjel dri mchat
W hakda bdate 7kayet Mes3oud
Mes3oud li dima b na7ss maw3oud
W daret liyam ou kber Mes3oud f jou3
F brakt charef w mratou dima b na7ss matbo3
W 3lihom katro lmsayeb w wla kolchi m9to3
Ta ja yawm na7ss lkbir li 3la Mes3oud matboo3
Kan f 3amro khems snine fa9 f lil wa7id
Kan sba7 nhar tnine fa9 fr7an w sa3id
Nad bgha yjereb lmine mcha 9leb jbed lo9id
Ch3el l3afya fl btayen 7re9 chraf nhar l3id

[Refrain]
3lach ya dnya m3akssa Mes3oud
Lbab li d9o il9ah msdoud
3lach kan dima b na7ss mo3oud
3lach ya dnya 3lach ghir Mes3oud
[Couplet 2]
Mcha Mes3oud mn ba3d l chi khayrya
M3a drari b7alo f meknes 7da 7emriya
Kant 3endhom modira 9bi7a smitha Sa3diya
Khemss snine w ma hmouh lfloss kan f jam3ia
Khemss snine Mes3oud 3ach me7goor
Li ja kay salkho ga3 wla wjho m7foor
3ya may9ra w ykred mafhem walo 7entor
Khemss snine mskine w na7ss 3lih ki dor
Wa7ed nhar tla3lih dam drabha b harba
Wl berd f lil b7al semm bat bo7do f ra7ba
Ali boule7ya ghadi ykhdem bant lih fih la3ba
Dah 3lih wra zbbala w emm.. hger 3lih weld l..

[Refrain]
3lach ya dnya m3akssa Mes3oud
Lbab li d9o il9ah msdoud
3lach kan dima b na7ss mo3oud
3lach ya dnya 3lach ghir Mes3oud

[Couplet 3]
B9a Mes3oud mchmker ta dar 16 l3am
9ad ktafo w kber w t3elem lklam
W blegh ta howa w bday ibanolih flmnam
Wakha ta mskin 7wel w nifo zayed lgdam
T3a9ed Mes3oud kolchi ti golih nta mjertel
Wahed nhar dayez bant lih khdama katkhemel
Chaft fih w d7kat tlef mskin w t3ekel
B9a kola nhar 3asser hadi cherjem yt2emel
Nzlat chi mra 3ndo galiha smito Mes3oud
Kant mzrouba mskhra dart m3ah m3a ts3oud
B9a ki tsnaha msammer fih lkhal3a mr3oud
Nzlate jaya 9at3a khrej fiha tobiss good
[Refrain]
3lach ya dnya m3akssa Mes3oud
Lbab li d9o il9ah msdoud
3lach kan dima b na7ss mo3oud
3lach ya dnya 3lach ghir Mes3oud

[Couplet 4]
Tsdem Mes3oud w gless idor f zna9i
It7achach w ychem w ymout b jo3 na7sso ba9i
Chafou rajel ikhwani dah m3ah l jame3 ra9i
Galo kol w nod tsali bach nor tweli la9i
Dar l7ya Mes3oud ta howa w t3lem yhder
3ejbo l7al w wla yense7 nass wi twakhter
Wla ydour f jwame3 yjme3 drari w ydaber
Ta ja nhar li 3ref bli jat noubtou fl 3asker
Rkeb Mes3oud f tyara fr7an ghay chof Bin Laden
Wsel w 3taweh sla7 galolo gless f blastek raken
W matkhafch li ja drbo rah ljna damen
Gless Mes3oud youmayen mayt7erek tma saken
S'ha Mes3oud w ZDAW l rass 3tah l mirikani
Fa9 l9a rasso fl habss w m3ah pakistani
Ychof fih ytbessem fr7anw b3inih 9ani
Bl fe9ssa ghawet Mes3oud l9ah Ali boule7ya tani

[Refrain]
3lach ya dnya m3akssa Mes3oud
Lbab li d9o il9ah msdoud
3lach kan dima b na7ss mo3oud
3lach ya dnya 3lach ghir Mes3oud
[Couplet 5]
Dwez Mes3oud m3a Ali boule7ya 3am s3éb
W bktret ma mn7ouss rdoh mn mirikan l Maghrib
Rje3 Mes3oud talef mkhlou3 fbladou ghrib
Rje3 l zan9a w chomage w wla mn lhma9 9rib
B9a daye3 ki dor wahed nhar l9a rasso f Tanja
Tla9a m3a M'hammed ki dir l7la9i b kamanja
B9a ydor m3ah y ghaniw yjme3 lflouss f tri9o
W galo M'hammed ila kan baghi y9der l'Espanya yhargo
Fre7 Mes3oud w gal mn blad na7ss ghay drebha b selta
Mcha m3a s7aybo 7ta 9erbou l 7odoud m3a setta
Kamiyou d l7ot wa9ef tle3 Mes3oud sad M'hammed
W mat Mes3oud f tri9 west tlaja mjamed

[Outro]
W 3lach ya dnya 3lach mat Mes3oud
Lbab li 7lo l9ah msdoud
W 3lach dima kan b na7ss mou3oud
W 3lach ya dnia 3lach mskin Mes3oud