[المقطع الأول: مروان موسى]
دخلت من باب الفضول
وطلعت من باب الخروج
بدي إقلام ع الخدود
بس بتعامل ببرود
فيه ذكاء في الإسلوب
أنا رسالتي مسجلة، أنا قافل خطوط
لأ مش غاوي إتصال، لأ مش لازم ردود
ده رصيدي مية ألف ومش شاحن كروت
فات الغروب
ولذلك هتجه
على الزمالك أخوض المعركة
أكتب بارات ولا أروح العزومة مع رنا
تكون إيدي مدفونة في شعرها
يلا عادي
قرب وإتفرج، بمجرد ما أحرك دراعي
إبداعي بيتذاع على البث الإذاعي
من برة بيتهرب، إزاي هتقنعهم بقناعي
أنا وإتش ع التراك فـ ما تظيطش
‫بيقولي "Man, shit"، فـ إديته مانشيت، ما نسيتش
Magič لو كنت كرواتي كان إسمك هيبقى
تاجي ع الراس، إنتَ قاعد بشروطي
تمسك الشيشة، أنا رفاعي الدسوقي
بقتل الجثة، فيش داعي لحانوتي
الراب تصفيات وبنلاعب چيبوتي
والمفاجأة إني في وشك بالشاي ده هسقيك
وأخليك تسأل نفسك إزاي ده تحقيق
جاي التدريب؟
هعلق جتتك علامة تصويب
بالرماية هنهيك
أصل الخطر ده لما بتضايق ع البيت
‫سايق بـ Speed
حابسك في الشنطة
وبهرج وأقولك إزيك يا شقيق
وبإديا بأذيك
أيوة بذيء
خليته ينتحر، قلتله أحسنت
رميته في الترعة وفي رجله أسمنت
رحت العشا مع رنا وحسين وبسنت
قالولي إنتَ راجع من فين؟ إبتسمت
وآدي النتيجة
برقّص كإني بلعب في لا ليجا
سيبك، كل إللي فات هيشيلوه يا حبيبي، دي چيبة
إيدك على قلبك بس قلوبنا مش سوا، أنا سيدك
سايق وبسمع داليدا
هركن وأركّب التاج
[جسر: هشام رابتور ومروان موسى]
أوه
إيه يا حبيبي؟ ماشي إتفضل
إيه يا صاحبي؟
—إتفضل والله معايا في الـ
إيه ده عادي يعني؟
إتفضل في التراك معايا والله العظيم
طب إنتَ قلتلي يعني كده؟
إتفضل، تعالى
ماشي هاهاها، يلا

[المقطع الثاني: هشام رابتور ومروان موسى]
ده قالي "يا ولد"، أصل أنا بقش
دماغي دي بلد، بـ باسبورت تخش
بديله بالقلم، لا بكتب بقلمي
أنا مين؟
أنا إللي فايز يا كوتش
ده جايز يصد على إللي جاي، ده زي ما شافه عليا بيرد
فـ جينا في مجاله، فـ جاله دماره، فـ بينا يا مارو بإيدينا نلطشه
يلا بينا نبدأ
شاف هشام شعره شاب
حتى لما غاب برضه رابتور يعلى
سمعنا في التراك مارو على الإنتاج
لو مش مارو مع هشام
(يبقى خارج نطاق الخدمة)
Stop
‫طبطب ع الـ MC's
طب مين سيس؟
ترميم سين صاد
صدمة، بيتشعبط
لا ده في رابه إستعبط
وإستعرض
قالك مش هعرف
‫هاهاها، بطلوا Fake يا باشا
خرا ليه، خرا فيه"، بار خرم الشاشة"
هشام يديك في أساسك
‫مارو ينهيك ع الـ Beat بشياكة
Peace
واقف، ده متني من كم القميص
تراكك عجبني، مش لازم تشخيص
في يوم حد فادني؟ لا آسف مافيش
صاحبي فوق، ما تداريش
أصلي فوق، ما تناديش
بدي الضربة في القاضية والأبيض يختفي
الساحة لو فاضية بأصواتنا تكتفي
حلبته في حلبته، والتور جري
كابوسك ده رابتور فريدي
Ready
صوتي شهد
أما كان غيري شهق
منكو زهق
في مجاله شافه، على بيته جرا
شافه على، قالو خرا
رابه خرب
أبو شنب
شتم إللي وقع
ماله فقع
جه وطلع
بعده جاله قاله صنع
سرق إللي بدع
شافه غيره قام إتسمع
أما رابه ده مصطنع
بعده تاني جاله بقى، ماله ده
فـ بدأت
بدقدق فيكو فـ زهقت
سبقتك
أزنق عليك وكسبتك
هزقتك
بسقف وأهد من سقفك
أهزر، بكسر وعادي لزّقتك
مسحتك في مساحتك
في ساعتك بساعدك
وَسَّعتك في دماغك، بلاعبك لسعتك
سعادتك مشاعرك، إكمنك مش أعلى
بسيبك متشعلق، تتعلق من شعرك
بسيبك متشعلق، تتعلق من شعرك
[الخاتمة: مروان موسى وهشام رابتور]
أوف أوف أوف، إستنى كده
يلا بينا، إيه ده خلاص كده؟ أكمل ولا إيه؟
لأ يا عم، إنتَ لو عايز تكمل بس الحسد
خلاص آهو
الحسد يا إبني والله، آه
إستنى بقى
خلي بالك أنا بقولك بقى موضوع البارات ده
أنا كنت بعمله زمان زيك كده
إللي هو كنت بخش جامد
بس ده ممكن
يعني أنا عندي كذا مايك بايظ
بُص جوة هناك
كان بسبب البارات جامد
فـ خلي بالك