[المقطع الاول]
حياتي ساعه بتلف فيها عقارب
بمشيهم و اسيب الباب موارب
في ايدي ولاعه بتعلم مالتجارب
بحرقهم من جوه و انا من بره بارد

الفشل مخده و اليأس سرير
عشلن كل ليل بسيب نفسي ليه
بسأل نفسي في ايه سنيني ضاعت
الكسل بيهد كل اللي ببنيه

قالتلي كله مكتوب يا حمار افهم
هتوصل لنجوم بعد ما تتعب
هتقع و تقوم في الاخر هتلقى
الدنيا كلها جت تحت رجلك

ضحكتلها و عنيا بتنور
ماسك سكينه في رقبتها بنخور
مش فاهم ليه هي بتصوت
محدش قالها تغني لزاب ثروت


[اللازمة]
اما تلاقيني ابقى خديني
في حته تاني بعيد و هناك سيبيني
خلاص مفيش خلق بقالي هنا كتير
كسرت جناحي اهو يلا خليني اطير


[المقطع الثاني]
متسألنيش انا عامل ايه كل مره هقولك تمام
جوايا شيطان مخبيه بيطلع لما انا بنام
هات حشيش هات فلوس هات خمره هات نسوان
هات كل حاجه معاك و خليلك الاهتمام

كل صحابي بتوع زمان بعد ما قطعوا الكلام
جايين بيغنولي ايه و ايه واحشنا يا فنان
قلبي حواليه غيلان بتاكله زي الغربان
الفكره هي التوضيح انه مات من زمان
لما قلتيلي بحبك كان نفسي اقولك و انا كمان
بس ايه الفكره اما اقولك و انتي عارفه انه مجرد كلام
يا ورده عمر ما كان مكانها في البستان
منك بقيت رمادي خلصت فيكي الالوان

[اللازمة]
اما تلاقيني ابقى خديني
في حته تاني بعيد و هناك سيبيني
خلاص مفيش خلق بقالي هنا كتير
كسرت جناحي اهو يلا خليني اطير