[اللازمة]
شوفتوا أسوء ما فيا قسوة واذية
الاتناشر شهر معايا مشتية
أسود قلب ده للأسف ثلج
على الأقل مافيش حد هيتبل

[المقطع الأول]
ياما إستحملتوني
شايلكوا في عيوني
إنفعالي مضمون
صوتي عالي بس مكتوم
خدي بالك أنا مجنون
دايماً عامل فيها مظلوم
مين مسؤول يحط مجهود كل لما نتوه
المطلوب لا مش موجود وكله هيجوع
والأجواء ولعة في المطبخ
إنتوا الطباخين وأنا الطبخة
شايفنها دلعه بميت غلطة
بس كله بيقول البركة فيا هتدوم
كل حد غيركوا بيشوف
تستهلوا ٣ نجوم ميشلان ع الخلطة
ننطح في بعض راس في راس
مابيفرقش إيه الحوار
المعاملة دايرة ضرب نار كل يوم نيو لو
أرمي على مين اللوم تحت بس مافيش فوق
[اللازمة]
شوفتوا أسوء ما فيا قسوة واذية
الإتناشر شهر معايا مشتية
أسود قلب ده للأسف ثلج
على الأقل مافيش حد هيتبل

[المقطع الثاني]
ياما إستحملتوني
شايلكوا في عيوني
هنا غضبي بيسود
نار في ثانية التانية برود
جز ثانية التانية قلوب
هنا غضبي بيسوق
هفضل كده لحد ما نموت
طول ما أنا برأيكم مربوط
سدود امتار قدامي بتنهار
أنا وش أسفلت في قلبي مرعوب
مين مسؤول يحط مجهود كل لما نتوه
المطلوب لا مش موجود و كله هيجوع
مافيناش حاجة غير حيل
نقضيها خناقات طول الليل
أنا مش هخبي اني بخبي
سري مكتوم موس في خدي

[الجسر]
شوفتوا أسوء ما فيا
سيبتوا الحلو للدنيا
شوفتوا أسوء ما فيا
سيبتوا الحلو للدنيا
[اللازمة]
شوفتوا أسوء ما فيا قسوة واذية
الإتناشر شهر معايا مشتية
أسود قلب ده للأسف ثلج
على الأقل مافيش حد هيتبل

[الخاتمة]
هنا هنا تلج
تلج تلج تلج تلج
هنا هنا تلج
تلج تلج تلج تلج