أنا وأنتي

تامر النفار



هيي قصة حب حقيقية, تعرّفت عليها أول ما وعيت عالدنيا

بديت أنجذب لألها أكتر واكتر قبل 5 سنين وعلاقتنا بدت قبل سنة ونص

واليوم الكل بيعرف عنا

أيمتان تقابلنا ؟

لما الكل كان يلتم حوالين بشرتك السمرة

أول ما تقابلنا ما كانش حب من أول نظرة

مرّة على مرّة تطلعت فيكي جوّة جوّة

وعرفت أنك الوحيدة اللي راح تسوي دربي خضرة
وشوي شوي, قربتي أكترعلّي

قدمتيلي وفتحتيلي طريق جديد قدام عيني

ورجتيني أنه الماضي اللي أنا بنيته كان عالفاضي

عشاني أسسته غصب عني, مش بأرادتي

بس خليته كله وراي لما شفتك أنتي جاي

والصحاب الحوالي شبهونا بالصحرا والمي

بنلبقش لبعض, علاقتنا كلها غلط

مع أنك الوحيدة اللي علّمتينا أعالج الغضب

بالطريق الصّح, منك صوتي أنبح ومالي راح

بس من يومك قلبي أرتاح واليوم حبنا فاح

بين الناس, وين ما يقولو أسمك بقولو أسمي

من صحرا ومي صرنا صحرا ورمل so أبتسمي

خلّيتي أسمي كيلو مترات قدام جسمي

وأنا حاعمل المستحيل أنك ما تنكسري

أنا زهقت وأنا أتطلع كيف الكل بيأذي فيكي

بس ما زهقتش أني سهران الليالي تأراضيكي

مش زي هداك وهداك بفتش أكون غني

قال يعني بحبك ومصلحتي بس ال-Cash Money

لأ بالمرّة لأ, وحياتك أنك حبي

بعطيكي عيني التنتين بس أنتي علي ردي



لازمة

أخترتك وتبنيتك من الشوارع

واللي بدوش يسمع خليتو سامع

عملت حبنا مقبول عند شعبي

كل كلمة حكيتلك أياها طلعت من قلبي

سويتك منا وفينا ودخلتك داري

صرت حاطط عليكي كتير كتير مصاري

ولا مرّة جيت طلبت ترجعيلي

كل اللي طالبه لما أنجرح داويني

كل اللي طالبه لما أنجرح داويني





أنتي حبي الوحيد, خسارة أنو لألك مش وحيد, غريب انك من النوع

اللي عنده أكتر من حبيب أريد أريد ما اريد بسيب

بس كيف أروح بعيد عاللي بجيب لقلبي ال Beats

أكيد أكيد رح أضلني قريب

ماشي لأنك في بالي بالدقايق والثواني

معي الليالي اللي بحس فيها بحالي وحداني

دخلتي جوات نسمتي وبطّلت أحّس خالي

وبنفس الوقت تكوني مع حد تاني اللي هو أستغلالي



لازمة

أخترتك وتبنيتك من الشوارع

واللي بدوش يسمع خليتو سامع

عملت حبنا مقبول عند شعبي

كل كلمة حكيتلك أياها طلعت من قلبي

سويتك منا وفينا ودخلتك داري

صرت حاطط عليكي كتير كتير مصاري

ولا مرّة جيت طلبت ترجعيلي

كل اللي طالبه لما أنجرح داويني

كل الطالبه لما انجرح داويني





الكل سمعك بس السؤال أذا اللي سمعك فهمك

غير الأنغام والأوتار مش فاهم أيش بدك

والشعب اللي سوّاكي أذاكي وصوتك بنحبس

زمان كنتي النيّة الصافية اللي بقلوب الناس تلمس

واليوم غيري بستغلّك تا يلمس المرسيدس

بترجاكي تعاليلي ومن حقك مش حا نقّص

بس أنتي ساعديني أفتح لشعبي الأبواب

أيد بأيد أنا وانتي يا موسيقة الراب





لازمة

أخترتك وتبنيتك من الشوارع

واللي بدوش يسمع خليتو سامع

عملت حبنا مقبول عند شعبي

كل كلمة حكيتلك أياها طلعت من قلبي

سويتك منا وفينا ودخلتك داري

صرت حاطط عليكي كتير كتير مصاري

ولا مرّة جيت طلبت ترجعيلي

كل اللي طالبه لما أنجرح داويني

كل الطالبه لما انجرح داويني