التعليم بيأذيني
فبعلم نفسي كل حاجة
مش محتاج أحفظ كتاب
عشان أخد شهادة
مش محتاج إني أتهان
تحت إسم التربية
لو إنت عندك عقد
ما تعقدنيش زيادة
أنا خليت التعليم للجميع
خليت الناس كلها قطيع

خليتني واقف قدامك جاهل
إنت مش ناجح وأنا مش فاشل
إزاي أنا شايف نفسي ملك في نفس الوقت إنت مش عاجبك كلامي (نهائي)
طيب إديني فرصة أسمعلك المنهج
إديني فرصة
إصبر عشان بنهج
إديني صورتك
وأصلح التعليم أو أقتل بكرة
قبل ما يقتلنا
ونموت من التفاهة
بتكلم عن بلدي، أكيد أنا زبالة
أكيد أنا فاشل
أكيد مش بذاكر
أكيد أنا تافهة وعايش حياتي
تفتكر لو عايش هتضايق من كده
أنا مبسوط وعايش في رضا
عايش في بلد لو ضحكت هيقتلوك
خايف إنك تتكلم، هما خايفين من كده
أنا من مكان إسمه إسماعيلية
تسمع عنه إنت بتخاف تلقائيا
عندنا الناس بيفطروا زفت
وبيتغدو ويتعشو هموم لا نهائية
قريب هعلى في السما
وأتحكم في العالم عن بعد في الهوا
وأطلع وأغني وأتكلم عن نفسي
وناس قاعدة جمبي بيقولولي مش أنا
جوايا بحر أفكار
بحاول أستحمل فبنهار
بحاول أقاوم فبختار
إني أتكلم، جايز كلامي يوصلك النار
بيعاملوني كإني سجين
بتعلم مش لغرد التعليم
بتكلم عشان هما خايفين
إقتلني دلوقتي لإني مليش كبير
أنا مش واحد بس، أنا كتير
مهما تقطعلي جناحاتي هطير
مهما تحاول تستهزأ أنا بحرق كلامك وكلامهم بأوسخ بنزين
أنا قاعد دلوقتي بفتكر مدرستي
بفتكر لما كنا لسه عيال
أملي متعلق بحبل مشنقتي
وخايف أنقذو ياخدوني كمان
خدو كل حاجة وسابولي الكلام
خدو كل حاجة وسابولي الألام
خدو كل حاجة فعملت سلاح بقتلهم بيه وأنا بضحك كإني سفاح
ناس كتير بيقولولي بطل كئابة
بيقولو عني منطوي
أنا مش منطوي بس عقلي عايش في عالم مبيدخلهوش أي آدمي
ده عالمي وإنت فيه ضيف مكروة
إتخلقتوا من طين، أنا إتخلقت من طوب
إتخلقت محبوب من شياطين الجن
وشياطين الإنس عايزيني أتوب
أنا مش بتكلم، أنا بغني
مش معروف عني إني بستنكر من فني
أنا شايف مشاكلي كإنها وحش
جزء منه جوا عقلي والباقي مستخبي
إديني خسارة أعملك منها ألف مكسب
إديني حجارة أبنيلك بيها ألف معبد
إديني حجارة أحطها في دماغك وأديك أفكار جايز تفهم المغزا
هادي من برا بس جوايا شياطين
أنا فاضي من برا بس جوايا براكين
مش خايف إني أهرب، أنا خايف إني أفضل أستحمل فأتعامل كإني آسير
أنا مش آسير، أنا أسرهم في دماغي
بتعب في المزيكا ليه مش بلاقي
لو عاوز تتكلم تعالى عيش حياتي
أو إقفل بوقك، ما أسمعش صوتك تاني
مش محتاج إني، أتكلم محتاج أغني
مش محتاج إني أحتاج لإني مش محتاجني
أنا محتاج بس أنام عشان أحلم بنفسي
وأنا ملك بحكم كل الناس جوا عقلي