[المقطع الأول]
٢٥٠٠ ميل بيني وبين سويسرا
عامل حسابي في چاكيت علشان لما الجو يبرد
مش فارقلي إننا خلصنا ما بزعلش ع إللي خسرته
بس بحوط ع إللي بيفضل
نور بيقطع وأنا بسجل، وبنسى أسيڤ
مع إن ما كانش باقي غير قليل
بكتب مذكراتي جوا الكشكول بأيد
كاتب فيه إني هوصل بس بعد بكرا بالميت
١٦ ساعة بيني وبين الهيمالايا
مُلم بالخريطة حافظها صم وعلى دراية
فارد إيدي وطاير، مش حابب أرفع راية
بقيت إنسان جديد وأنا بكسر اللاستايا
وبسأل الحيطان، بس مش بلاقي إجابة
‫راحتي بتبعدني بُعد تام عن الخباثة
مش مستني منهم حاجة
مش عايز أركب كمارو وروحي تبقى في الدواسة تحت رجلي

[اللازمة]
هاتلي من الكره كرتونة
نقص من الحب ١٠٠ مللي، ١٠٠ مللي
هاتلي من الكره كرتونة
نقص من الحب ١٠٠ مللي، ١٠٠ مللي
هاتلي من الكره كرتونة
نقص من الحب ١٠٠ مللي، ١٠٠ مللي
هاتلي من الكره كرتونة
نقص من الحب ١٠٠ مللي، ١٠٠ مللي
[المقطع الثاني]
شيلت اللون الأزرق من ع الناب
مش مسؤول عن إللي عدى وشكرًا للي فات
مش محتاج إثبات
مش محتاج غير مكتب، مش محتاج غير لاب
كل إللي بتمناه، أعمل حفلة في مدرستي وخمسة جوا إستاد
في حوارات بنخلص، في الإستوديو بندي
مش ع الناصية بنهزي، مش ع الناصية بنهزي
بتحسن مية مية، لا مش فيفتي فيفتي
ألف شكر ع الندالة، چاكلين كينيدي
ع الورق بنغل وفي الدرج إبتسامة
في الأوضة واقف بكلم مايكروفوني بالبيچامة
نمشي ورا النداهة ما نحسوش بالندامة
ألف شكر ع التخلي وبأسف جدًا ع البشاعة
وبشكر إكتئابي ع التوصيلة، لحد هنا وإركن
‫ما حدش فيهم Loyal، ما حدش فينا Perfect
حتى لو السفينة غرقت (مش هنندب)
مش هنكچولهم من بره ننضفهم من جوا
نحسسهم بالقيمة، ما فيش جميلة بجميلة
بس فيه طيبة في السيرة إخواتي والجيرة
الحب مش ليها، الحب للجيهة
ما فيش حاجة نخفيها، ما فيش حاجة نخفيها
ما فيش حاجة نخفيها، سميها زي ما تسميها
ما فيش حاجة نخبيها، سميها زي ما تسميها
أنا لسه فيها، فيها
بطري ع الدماغ بتلج وكمادات
‫في حته تانية خالص أنا مش على الـ Map
أنا بره، بره، بره، بره، بره
خمسة وراجع مش هتأخر
بطري على الدماغ تلج وكمادات
‫في حته تانية خالص أنا مش على الـ Map
‫لو في Location يبقى طنطا، طنطا
لو عيشنا لبكرة تبقى خالصة
[الخاتمة]
هاتلي من الكرة كرتونة
نقص من الحب ١٠٠ مللي