[المقطع الأول]
تقلت على كتف الجدع ومقالش غير الحمدلله
سكت بالشهور لكن منساش مكنش حد معاه
عاش بطوله، فكرهم جنبه وكانوا عايزين يطولو
حب الناس بقلب أبيض والناس مشافتش غير عيوبه
شكلك نضيف مش لايق على اللي عيشته وشوفته
الشارع حولك لكل شيء مكنتش عايزه وخوفته
رعبك خلاك تضيع كل حبايبك هنا
مين هيطمنلك وإنت خايف منك بالشكل ده
نضفت بشر بس الطبع غلاب يا سيدنا
كل الناس اللي خوفنا عليها من الأذى آذتنا
غلبك وراك لف التعابين كأنه حضن
رتبت حياتك عليهم، رتبوك يادوب على الركن
حواليك كلاب شهرة مش بيحبوك غير بالأرقام
زمايلك مدمنين هيحبوك بالجرام
متبقاش منك غير حطام كأنك بيت على الضفة
إخواتك رموك مش الديب اللي عضك

[اللازمة]
متصدقهمش كله فالصو
كل دول شيوخ وفي المصلحة رقصوا
كل دول مسوخ وكله مداري نقصه
طفينا النور واللي عايزنا يحرق نفسه
متصدقهمش كله فالصو
كل دول شيوخ وفي المصلحة رقصوا
كل دول مسوخ وكله مداري نقصه
طفينا النور واللي عايزنا يحرق نفسه
[المقطع الثاني]
سرقوا ضي عينيك ولاموك عشان مبقتش تشوف غير إسود
الشقي اللي عمل منك عجوز نشف عضمك هتنكر؟
مش هنندب، لكن لو قولنا إن إحنا بخير هنكدب
مش محتاج افضفض أنا فنان لما بزعل بكتب
الشدة غربلت صحابنا بقت مفيش
كله جلي لما اتملي وكله طار وطلعله ريش
مسير الدنيا تقلب زهر مسير اليك يبقى شيش
مترجعليش، رهانك غلط بيننا أيام وفيش
عشت البشر كوابيس قضيت حياتي في آرق
عشت نص عمري أحبك عشت نص عمري أكرهك
معشتهاش غير غابة مكنش ينفع اتعب
إتحطيت في الدنيا في خانة إني لازم ابقي تعلب
كأني بيني وبين الدنيا تار مش عايزه تحل
بتهد كل شيء عملته قصادي بكل غل
وأنا مش همل وكل ما توقعني هقوم
يا تموتني يا أكسب يا ابقي عظيم يا أما أكون مجنون

[اللازمة]
متصدقهمش كله فالصو
كل دول شيوخ وفي المصلحة رقصوا
كل دول مسوخ وكله مداري نقصه
طفينا النور واللي عايزنا يحرق نفسه
متصدقهمش كله فالصو
كل دول شيوخ وفي المصلحة رقصوا
كل دول مسوخ وكله مداري نقصه
طفينا النور واللي عايزنا يحرق نفسه