"كلمات كمال مسعودي "ياحسراه عليك يا دنيا
اضغط هنا لقراءة المزيد من كلمات وقصائد الشعبي الجزائري

[لازمة]
ياحسراه عليك ياالدنيا فيك حكاية وحكايات
ساميني واقعدي حذايا واحكيهم لي بثبات
علاش هكذا حاقدة وسميّة تظلي تبدلي في الصفات
تعذبي فيا غير بالشوية عييت من عذابك بركات

تلعبي بيا ولا معايا جاوبيني علاش هذ السكات
قالولي عليك مسرحية انا المسرح سكنلي في الذات
التذكرة خلصتها غالية اديت معايا شي وردات
دخلت للقاعة صفقوا عليا طلع الستار والضو طفات
لقيت روحي في تمثيلية والديكور خوف ودموع
طمعتيني ودُرتي عليا عندي جدي بصح مات

[لازمة]
ياحسراه عليك ياالدنيا فيك حكاية وحكايات
ساميني واقعدي حذايا واحكيهم لي بثبات
علاش هكذا حاقدة وسميّة تظلي تبدلي في الصفات
تعذبي فيا غير بالشوية عييت من عذابك بركات

شحال من سلطان كان في دنيا جيوش لأمروا طيعات
مال وعز قصور وسرايا العسة عليه بالأولوفات
غفل غفلة تقلبت الحية في ليلتو ماصاب وين يبات
وكلتي فلان عسل وفاكية وفلان شمختيلوا الفتات
فلان ڨلعتيلو الذرية وحياتو من الفرحة خوات
وفلان طلق مرتو المزكية زعف كي جابتلو البنات
[لازمة]
ياحسراه عليك ياالدنيا فيك حكاية وحكايات
ساميني واقعدي حذايا واحكيهم لي بثبات
علاش هكذا حاقدة وسميّة تظلي تبدلي في الصفات
تعذبي فيا غير بالشوية عييت من عذابك بركات

المسجون يرجو الحرية بالدقيقة يحسب الأوقات
الشهّار يحلم بالشهرية يا حليلو مولى وليدات
كبدة لميمة مشوية واش سهرت وواش ربّات
على وليدها بدل جنسية عجبو زين الروميات
خلى يماه وحدانية من الحرقة والبكاء تعمات
باش يبين الرجولية بعثلها زوج محرمات

[لازمة]
ياحسراه عليك ياالدنيا فيك حكاية وحكايات
ساميني واقعدي حذايا واحكيهم لي بثبات
علاش هكذا حاقدة وسميّة تظلي تبدلي في الصفات
تعذبي فيا غير بالشوية عييت من عذابك بركات

نهار كانت الدنيا دنيا الوالدين علقولهم شيعات
واليوم الوالدين راهي مرمية في مراكز الشيخوخات
أنتي دنيا يدك زهرية أنا يدي فيها الكيات
مع الواقف درتي جمعية سمّاها دخلات وخرجات
الڨليل بعثتيلوا خطية جا يصلي تلفتلو الصلاة
كي سلم نسى التحية كي تحى نسى زوج ركعات
[لازمة]
ياحسراه عليك ياالدنيا فيك حكاية وحكايات
ساميني واقعدي حذايا واحكيهم لي بثبات
علاش هكذا حاقدة وسميّة تظلي تبدلي في الصفات
تعذبي فيا غير بالشوية عييت من عذابك بركات

المال فاني والعظام راشية فاتت اجناس واتمحات
لي كان تقي ودار النية طاع ربي وشد في الصلاة
درجتو في الجنة عالية صفة الجنة درجات
والشاقي يمضي النهاية ذاتو في النار اتكسات
جلدة رايحة وجلدة جاية يضل يبدل في الجلدات
نصحتى نتركها التالية باش نختم بها البيات

[لازمة]
ياحسراه عليك ياالدنيا فيك حكاية وحكايات
ساميني واقعدي حذايا واحكيهم لي بثبات
علاش هكذا حاقدة وسميّة تظلي تبدلي في الصفات
تعذبي فيا غير بالشوية عييت من عذابك بركات

دعوت الوالدين رسمية منهم الشر والخيرات
لهنا كنز والصحة غالية والباقي كلو كذوبات
ياسين ارسلها تحية ومضى فيها بشي دمعات
عطها لكمال مسعودي برية قراها وطارو الاف
الصلاة على نور عينيا سيد الخلق يا سدات
شكون لي نجى منك يا دنيا غير لي طلقك بالثلاث
[لازمة]
ياحسراه عليك ياالدنيا فيك حكاية وحكايات
ساميني واقعدي حذايا واحكيهم لي بثبات
علاش هكذا حاقدة وسميّة تظلي تبدلي في الصفات
تعذبي فيا غير بالشوية عييت من عذابك بركات