"كلمات كمال مسعودي "رايح مرهون
اضغط هنا لقراءة المزيد من كلمات وقصائد الشعبي الجزائري

[لازمة]
رايح مرهون
رايح مرهون على الهمية خضرة اللون
مسلسل مسجون ومنسي في غواني

سبابي هيا
سبابي هيا تخلويني صبحة وعشية
دارت عليا ما كان شكون ينجيني
ذيك البلية
ذيك البلية قبيحة في افعالها وقوية
كي حليت عينيا ماعرفت اش من واد داني
كثرت السية
كثرت السية مع الجيران ومع والديا
خسرت النية عند الّي كانو يعزوني

[لازمة]
رايح مرهون
رايح مرهون على الهمية خضرة اللون
مسلسل مسجون ومنسي في غواني

خلوتها زينة
خلوتها زينة عندها النشوة شحال بنينة
ساعات تنسّينا وساعات نقول أنا واش بلاني
حشيشة حنينة
حشيشة حنينة تدي للهلاك يا اخينا
الله يعفو علينا قول ربي ان شاء الله يهديني
طبيعة شينة
طبيعة شينة إذا حكمت ما تحن علينا
للموت تدينا هنا ولهيك تضحى خسراني
[لازمة]
رايح مرهون
رايح مرهون على الهمية خضرة اللون
مسلسل مسجون ومنسي في غواني

يا ربي يا قهار
يا ربي القهار خرجنا من هاد القيفار
ذريات صغار عادوا ينفطرو عيناني
واشن هاد العار
واش هاذ العار دخل بلادنا بالقنطار
ما بقات عيار تخلطت أمة العدناني
شبان كبار
شبان كبار هاملين في هوى هاذ القيفار
ضحاو بلا دار لا خدمة شبعو المحاني

[لازمة]
رايح مرهون
رايح مرهون على الهمية خضرة اللون
مسلسل مسجون ومنسي في غواني

يا الغاوي اخطيك
يا الغاوي اخطيك هاذ الهلاك غير ارمي عليك
شوف ما يليق بيك، تبع اقوال الرحمانِ
يا يما يزيك
يا يما يزيك من البكاء نشفو عينيك
نعيا ونجيك وانا من هاذي بركاني
دعوة والديك
دعوة والديك هي النجاة من هاذي وهاذيك
ما يغفلو عليك، الطاعة ليهم بالاحسان
[لازمة]
رايح مرهون
رايح مرهون على الهمية خضرة اللون
مسلسل مسجون ومنسي في غواني

يا يما ذقتي العذاب
ذقتي العذاب وأنا الّي كنت ليك سبب
خطيت الصواب يا كيتي أنا واش داني
خشسرت الحباب
خسرت حباب، وينهم هذوك الأصحاب
غلقوا لبواب خلاوني هايم وحداني
يا الله يا وهّاب
يا الله يا وهّاب، ظهرلي طيرق الصواب
يوم الحساب أغفرلي أنا ولداني

[لازمة]
رايح مرهون
رايح مرهون على الهمية خضرة اللون
مسلسل مسجون ومنسي في غواني
مسلسل مسجون ومنسي في غواني
مسلسل مسجون ومنسي في غواني
مسلسل مسجون ومنسي في غواني
آش داني
مسلسل مسجون ومنسي في غواني