[Intro]
Als erschtes amål dånkschia, dånkschia, dånkschia
Es wissats it…es wissats it wås des für mi hoaßt
Es isch jå vielleicht nur eine symbolische Geste
Åber für mi…für mi isch des viel miah
Es isch in gewisser Weise, no amål Huam kema

[Part 1]
Dr Schnea isch gschmolza
S Wåsser rinnt wieder icha in Båch
Ålls isch wieder erwåcht, miar giah als Sieger vom Plåtz
Wissats no wia sie gmuant håba
Sie håba ålls richtig gmåcht
Iatz endli isch Schicht im Schåcht

Jåhrelång håba sie glebt va ins, ålla wåra im Netzwerk drin
Då no an Gwinn und det an Gwinn
Und iatz rolla Låschter mit Åbrissbiara
Über mit Gold pflåschterta Stråßa in åll die Dearfеr icha

Wissats no wia sie tou håba
Wia d Ånzigla und d Laggschiachla voll Stoub wåra
Wia sie kapiert håba dеs wårs iatz
Wia sie abgfiahrt woara sei, mei so schia wårs då no går nia

Miar håba zruggkholt wås ins kheart
Aus da Luxustempel weara an Spielplåtz und an Sea
Miar håba dia Bonza fålla gsecha
Iatz geba mar ins d Hånd und fånga ån zum leba

[Pre-Hook]
Und deswegen Danke an die Kinder vor ållem
An die Musi, an die Schitzen, an s gånze Doarf
Donkschia, Donkschia, es wissats it wås des für mi hoaßt

[Hook]
Kimm schau auf den Bearg då doba
Siehsch des Liacht
Då hinta brennt an gånza Haufa Schneakanona
Siehsch as it då hinta, wearsch as ou no merka
Sicher bin i ou it, åber weard ma wohl no trouma derfa
Gea her schau auf den Bearg då doba
Siehsch des Liacht
Då hinta brennt an gånza Haufa Schneakanona
Siehsch as it då hinta, wearsch as ou no merka
Wissa tua i s ou it, ma weard jå wohl no trouma derfa

[Part 2]
Wia ma si teischa kånn
Sie håba gmuant sie kema wieder leicht davon
Åber desmål wår s åndersch
Ihr Kårtahaus isch zåmmkråcht
Ålls aus, sie håba zåmmpåckt

So viel Gald ket und iatz nuit miah
D Partei und deina Freind
Und dein Ånwålt der kånn nuit tia
Und sie flåcka in da Zella drin
Und trouma von am umgflogana Pinguin im Schnea
Und von am schnella Gwinn

Und d Quella rinnt vom Båch icha in Sea
Ma merkt es wår s Weart wenn ma siecht wås då entsteaht
Wissats no wia sie predigt håba
Ohne Tourismus stearba dia Dearfer
Iatz sechats amål wia bled mar wåra
Miar håba drauzåhlt, sie håba åbcasht
Bis mar gseht håba es långt
Wås isch des lei für an Tåg gwest
Miar baua eppas nuis aus dena Trimmer
Und auf d Gondla schreiba Kinder
VSDG für immer

[Pre-Hook]
Und deswegen Danke an die Kinder vor ållem
An die Musi, an die Schitzen, ans gånze Doarf
Donkschia, Donkschia, es wissats it wås des für mi hoaßt

[Hook]
Kimm schau auf den Bearg då doba
Siehsch des Liacht
Då hinta brennt an gånza Haufa Schneakanona
Siehsch as it då hinta, wearsch as ou no merka
Sicher bin i ou it, åber weard ma wohl no trouma derfa

Gea her schau auf den Bearg då doba
Siehsch des Liacht
Då hinta brennt an gånza Haufa Schneakanona
Siehsch as it då hinta, wearsch as ou no merka
Wissa tua i s ou it, ma weard jå wohl no trouma derfa