[المقطع الأول: أبو الأنوار]
Okay
‫أوه، نازل بـ Score أنا الهداف (سكو)
‫لاعبت الـ Beat ده ماتش مصارعة وجبته لمس أكتاف (برر)
لعبت ضغط بالمجال عديت عشر تلاف (جامد)
‫بنزل على نفس الـ Beat ساعات بس دايماً في إختلاف (آه)
في الأداء، بسيب علامة دايماً في الذاكرة (ميمو)
في السباق، شباب مستوى هباب أو خرا البرك (جامد)
طب تمام، خدت موزتي نكروز بالباخرة (أوه)
شباب بيشتمونا وبيسمعونا في الدرى (ليه)
ولا داعي للتفكير في الماضي عشان مكانش سهل (صعب)
وأنا شايف ميتين قصادي عشان ضربت سهم (جامد)
أمال لو ضربت آلي يا أسطى إنتوا هتعملوا إيه (هلس)
شلة جانج بجد يا أسطى إنتوا هتهسوا ولا إيه (أوه)
طب تنكر إن صاحبتك بتهز على تراكاتي (لا)
طب تنكر إن إكستك بتهز على تراكاتي (لا)
طب تنكر إنك شخصياً بتهز على تراكاتي (برضه لا)
يا عم ده أنا اللي عاملهم بسمعهم بقوم برقص ده العادي
عشان أنا نجم وقلتلك
لازم بشوط وأبهدلك
خدمة عملاء بهندلك
صاحبي لو مايل هعدلك
مفيش أبطال مترملة
وقعت معايا في مشكلة
ربطنا كلاب بسلسلة
بعديه عفو عند المقدرة
ولو مش صعبة كان غيري عملها حلو (سكو)
‫قلبت الـ Beat ده سيرك أكني جاي من عيلة الحلو (أوي)
معدش فيها بوفية يا أسطى عشان أكلت الحلو (نور)
براب جامد قدام البشر أو لوحدي في خلو (لوحدي)
اللموني والكولومبي والزتوني في الباجاية (آه)
وصلت لحد هنا بس بدأت في سيركلاية (زمان)
عجبني الحتة اللي وصلتلها بس لأ مش كفاية (خالص)
أنا ولوكا ع التراك فمش محتاج دعاية (أوه)
[اللازمة]
ع الأفيش بقيت مشهور (هي)
خدت سنين لأ مش شهور (آه آه آه)
ماما أغتنيت هاتي البخور (بسرعة بقى عشان نبخر)
محلي السين زي البيتيفور
ولازم لما أشوط شوط تبقى جون جون (جون)
بربح المليون يون إنت تربح البونبون (بون)
ماليش في الهبوط نو ميمو ده بوفون (فون)
ضاغط ع الشباب باب زي إيد الهون (لوكا)

[المقطع الثاني: علي لوكا]
كله بونو وفي التمام (في التمام)
يا زميلي خربش ع الكلام (يا زميلي خربش)
مبنسألش السعر كام ( لا لا لا)
الضرب بتوكة الحزام (بع بع بع)
‫كله جاي، أنا أسوق وإنتوا الشبح Winnie Pooh
كنترول على السوق، كلنا الجو ومش هتدوق
عندك حالة زميلي تسوق وإحنا أهو سكو سكو
‫ميمو Litty على طول وإنتوا Shitty ولا فوق
هاتلي أجري في نص نقل في نص نقل
صاحبي الطريق بجد عندي مكانش سهل
عشان العسل ياما خدنا قرص نحل
دلوقتي زميلي ألعبها دولي، أرسينال
كوميديان جاي أنكت، زي عشري جاي أنكت
هاكل المجال ده علقة موت، يا صاحبي أنا المنجد
مش هحل جاي أتبت، إلبس إسود جاي أنكد
واحد، إتنين، تلاتة، ألف، زي الصنم كله إتثبت
كاسات وشهرة ودي البداية ولسه بدري
وإنت لوحدك وسط تلج، حرفياً بتموت يا فخري
كله في خمسة باب مريح وأنا فعلياً كنت بجري
(كنت طاير)
صعب مرة تجيبوا آخري
نجوم علينا العين بتخطف الأضواء
زميلي إحنا التاريخ، إحنا كتاب الأضواء
حكيم في كل كلمة ومصاحب آثار
وقفنا كله صف وراتا تا تا تا
مش هنخلي فيها تخين ومش هنخلي فيها رفيع (لا)
الحط عليكوا سهل بجد زي شرب المياه (سهل)
بين اللاشيء وكل حاجة تلقى خيط رفيع
رقصت كل الناس يا صاحبي تقول لوكا الصغير
[اللازمة]
ع الأفيش بقيت مشهور (هي)
خدت سنين لأ مش شهور (آه آه آه)
ماما أغتنيت هاتي البخور (بسرعة بقى عشان نبخر)
محلي السين زي البيتيفور
ولازم لما أشوط شوط تبقى جون جون (جون)
بربح المليون يون إنت تربح البونبون (بون)
ماليش في الهبوط نو ميمو ده بوفون (فون)
ضاغط ع الشباب باب زي إيد الهون