[Pawòl de Generasyon]

[Entwo]
Generasyon an, nou fè yon tou bis, ann boule jou a
94 !

[Vès inik]
M te gen non mwen ekri anba pye m lè m te lekòl Anglade
Toyota Hilux la balè wouze Nazon, se pa t blag
Generasyon an nou fè yon tou bis, an nou boule jou a
Sa w konnen de sigarèt ak pat mantolè ?
(Se pa sa)

Generasyon l pèdi vijinite l epi l tou ansent
2004, m te vle yon 64 avèk Killer Instinct
Premye fwa ke mwen te pran nan gaz, m pa t nan sètifika
Alepòk Don Kato t ap bat elèv, se t an 2003

Rockfam agoch
Barickad adwat
Pou yon mouchwa nan pòch
Lapolis kanpe m, fouye m, pouse m, tout sa anplen Chanmas
Mwen te lekòl Anténor Firmin, m te sib elèv Alpha
Te gen rimè ke gen kidnapè ki te lekòl Alpha

Eske w konn depi kilè kamyonèt pa kanpe pou nou ?
Pou sa lè n monte nou pa peye, pou sa m konn plake tou
Eske w konn istwa elèv Jean Jacques ki te touye yon pwofesè ?
Generasyon : "Pap la ki mete n nan sa, se yon pwofesi"
Se kay IZO, ke anpil minè konnen sa k lavi gason
Malerezman pou pifò nan yo, yo fè l move fason
Mwen sonje tout kanpay legliz te fè pou n rayi vodou
Ede pa temwanyaj "San Rancune", se te de vre voutou

Mwen sonje lè yo t ap charye mwen paske mwen te twò nwa
Po chabon, bouda chodyè, plake bòl, fènwa, eksetera
Sa pa t janm vrèman touche m, malgre yo t ap rele m konsa
Men lè yo te mete m deyò Labeille, mwen te panse sa

Papa m te konn frape mwen trè fò, se te vrèman bètyal
Troma yo, menm si m ta dyaspora, rete san pou san lokal
Mwen konn yon papa k koupe dwèt pitit li pou l pa vòlè
Yon manman k ap tate pitit fi l paske l fè l twò bònè

Mwen konn yon manman k te bat pitit li pou l pran yon granmoun
Generasyon, depi w pase 9yèm zanmi ou granmoun
Generasyon rap ou chansonèt, nou pa t twò fan konpa
Paske lèt la te genyen twòp kafe, e n pa t gen kòb pou bal

Generasyon pa janm prete paran w lajan, l pa p remèt
Se tankou politisyen ak bwat leta, ou ka fè pèt
Generasyon Amiot Métayer, 2Pac ak Billy
Generasyon k te panse sa tap chanje ak Aristide
94 !
Generasyon an nou f'on tou bis, an nou boule jou a

Generasyon l pèdi vijinite l epi l tou ansent

Generasyon an nou f'on tou bis, an nou boule jou a

Generasyon : "Pap la ki mete nou nan sa, s on pwofesi"

Generasyon k te panse sa tap chanje ak Aristide