[المقطع الأول]
بكرهه الوحده بس أقدر أعيش لوحدي
مش مؤمن بحكمه إني هقع لو كملت وحدي
ممكن صعب إني أكمل بطولي بس ده مايمنعش
إن رجلي شالتني إصراري بيوزني فـ مابقعش
إتقال عليا إني مجنون بكلم نفسي وأنا بمشي
وبتكلم بحرقه وزي ما يكون في حد بيسمعني
لما بغلط بقف قدام المرايه وبتشمني
عشان مش مستني غيري يغلط فيا ويحاسبني
بعترف إني بغلط الإنسان خطاء
بس بختلف لما بكبر بستفاد من الأخطاء
مش بلوم الدنيا على ذنوبي دنيا مش بشر
الدنيا مش ماما تزعقلها وبليل تناديك على العشا
حكمة معروفة
بس مش هيفهمها إلا إللى عاش من غير أم وبنى كيانه في غيابها
فـ أنا مش زيكوا بلوم الدنيا على ذنبي
الدنيا إديتني دروس من الشارع فـ الشارع بقى مدرستي

[المقطع الثاني]
You are about to witness real hip-hop
Southside
مصري متربي في شوارع الجنوب
رغم طيبة قلبي وقت الجد بكون زي الأسود
طيب هتموت وتعيش النفس الأمارة بالسوء
في جنازتك هينسوك هيمشوا زي المارة بالسوق
‫١٧ سنة ماستنتش من حد معروف
ماطلبتش مساعده لأجل إني أبقى حد معروف
ما إستسلمتش مره وكل ساقطه بيتباعها ووقوف
ما إتحكمش بيا ظرف إتحكمت أنا بالظروف
بعيد سياقه الحرف في الحزن وبخليه الفرح
بقلب الألم لأمل بالقلم تفكيري طفح على الورق
بكتب حقايق مش كلام بايخ مصطنع
رابي بالنسبة لمزيج الخيال والواقع مصطلح
راضي بالقدر فـ قدري إني أبقى عايش وسطكوا
مش قاضي بس راضي بالقدر إني أستحمل جهلكوا
رابي واسطه فيه رساله واضحه وبتوصلكوا
بتكرهوا الخطف فـ بالراب رسالتي هتوصل ودنكوا
أنا تِعبان كلامي هيسمك لو وقفت في طريقي
سم عشان حقيقتك مُرَه وأنا كلامي حقيقي
بس سمي يبقى دوا لو عايز تسمع حقيقه
وأنا مش ببخل بالدوا على الأفكار المريضة
نص العالم عكسي ماشي وحدي ماليش حد
لو كلكوا محدودين فـ أنا لوحدي ماليش حد
بارد زي التلج ماشي دغري واضح زي البرق
من يوم ما إتولدت أغلب عمري واكل فيه الكد
بكلم نفسي طول الوقت على شان مش مستنضفكوا
عزلتي مش عشان كبت عشان أبعد عن قرفكوا
صح إني إتولدت في بيئة جاهله آه يمكن شبهكوا
بس الشبه مايعنيش إني أتصنف من أشكالكوا
شعب معتوه بيشيل المخ وبيرميه
محروم فـ بيضطر يحط مكان المخ طـ*ـز
بس أنا مش هستسلم مش بغني راب على الفاضي
مسيري برابي أغير فكر جاهل للتراقي
قبل ما تبدأ تخلق فكره إعرف إن ماحدش جمبك
أول الطريق هيصعب فـ خليك واثق في نفسك
صعب بس مش مستحيل
أنا واخده حتى مبدأ
إن الناس هيرجعوني من قبل حتى ما أبدأ
شعب أبلك يوم ما أبدع في التفكير مؤخراً
قرار وإنتخب رئيس بيفكر تفكير مؤخره
كل المناهج إللي أخدتها في مدرستك غلط
عايزنا زي الإنسان الآلي عقولنا متبرمجة
[المقطع الثالث]
فـ ماتستغربش لما تلاقي أبوك دماغه حجر
مش ذنبه إنه كبر في مجتمع منتشر فيه مرض
مرض إسمه التقاليد، مرض نفسي في التفكير
مرض بيخليك ك مصري ماتؤمنش بالجديد
بشكي كل الهم ده بالراب يا إما أكلم نفسي
بس غلطتي إني عيشت كاتم كل ده في نفسي
عشان كده فارض نفسي لأجل ما أوصل رسالتي
مش مؤمن بحكمه إني هقع لو كملت وحدي