[Lyrics for "Najeek" in Nepali]

[Intro]
Yes!

[Verse 1]
रात धेरै पर्यो धेरै-धेरै
मायाका कुरा नगर न, ए
भोलिबारे केहि थाहा नभई जीवनभरीका
दिनहरु मेरै नाम नगर न, ए
सागरमा होस् कि आकाशमा
जहीँकहीँ मैसँग डुल्ने
मेरा आँखा नै सबैभन्दा राम्रा भएजस्तो
बेकम्फुसे गफ नगर न, ए

[Chorus]
नजिक नआऊ, डर लाग्दैछ
आफ्नै भावनाहरुसंग
शिथिल छ मुटु, रुखो बनाएको छु
धेरै-धेरै साल लगाई
नजुधाऊ आँखाहरु भावना बन्‍न
कत्ति नि समय लाग्दैन

[Post-Chorus]
किन सोध्छौ"किन यति डर?"
थाहा छैन र
भावना हराउन पनि
कत्ति नि समय लाग्दैन
[Verse 2]
तिम्रो आत्मा थाम्‍ने कसम कसरी दिऊँ म
जब आफ्नै आत्मालाई चिनेको छैन
आफ्नै छायासँग भागी दौडदैछु म
भन तिम्रो छायाको जिम्मा कसरी लिनु म
संसार छाडिहिँड्ने बाचा नदेऊ न
शुरु-शुरुमा त यस्तै त हो नि
जीन्दगानीको रीतहरुले यसै उसै
हामीलाई अल्झाउने नै हो

[Bridge]
काश हाम्रो भेट केही साल अगाडि हुन्थ्यो
या काश हाम्रो भेट केही साल पछाडि हुन्थ्यो
समय सही हुन्थ्यो राजै, मौसम बेग्लै हुन्थ्यो
तर, आज हैन
नजिक नआऊ न

[Chorus]
नजिक नआउ, डर लाग्दैछ
आफ्नै भावनाहरुसँग
शिथिल छ मुटु, रुखो बनाएको छु
धेरै-धेरै साल लगाई
नजुधाऊ आँखाहरु भावना बन्न
कत्ति नि समय लाग्दैन

[Post-Chorus]
किन सोध्छौ "किन यति डर
थाहा छैन र
भावना हराउन पनि
कत्ति नि समय लाग्दैन