[المقطع الأول]
أنا مش مضمون
مش كارت بتلعبي بيه
لما تعوزيه تخليه
تزهقي منه ترميه
من غير فوازير ولا ألغاز
مش هفضل صورة في برواز
أو ضل خيال
يوم تتجاهليه
وساعات تشوفيه
أنا مش تمثال
وبتختاري الألوان
في الأخر أنا إنسان
عمره ما يقبل يتهان
أنا أسف مش هقدر أكون
الكارت السهل المضمون
أنا كنت رهان
بعمايلك دي إنتِ خسرتيه

[اللازمة]
وأنا مش زعلان
والله أنا مش زعلان
أوقات بيبان إن الكسبان خسران
ومع الأيام حد بيرجع بجراح
ويعيش موجوع ندمان
والتاني يعيش مرتاح
وأنا مش زعلان
والله أنا مش زعلان
اوقات بيبان إن الكسبان خسران
ومع الأيام حد بيرجع بجراح
ويعيش موجوع ندمان
والتاني يعيش مرتاح
[المقطع الثاني]
يا إزاز مكسور
وسنين أنا ماشي عليه
يا جرح تعبت أداريه
أنا بعمل كل دا ليه؟
ويا قصر الوهم الملعون
بالحزن وبالخوف مسكون
هخرج للناس من بعد سنين عشتها مسجون

[اللازمة]
وأنا مش زعلان
والله أنا مش زعلان
أوقات بيبان إن الكسبان خسران
ومع الأيام حد بيرجع بجراح
ويعيش موجوع ندمان
والتاني يعيش مرتاح
وأنا مش زعلان
والله أنا مش زعلان
أوقات بيبان إن الكسبان خسران
ومع الأيام حد بيرجع بجراح
ويعيش موجوع ندمان
والتاني يعيش مرتاح