[المقطع الأول]
عرفتك وأنا لسه صغير
وما كانش في بالي إن العمر قصير
دا إنت عارفني أكتر ما أهلي عارفني
ومهما أتجنن كنت إنت اللي فاهمني
وغريبة الدنيا وهي من غيرك
بس أنا عارف إن هو دا الخير
وجديدة يا صاحبي الدنيا من غيرك
أنا عارف إنك في مكان أحلى بكتير

[اللازمة]
بس أنا هلف العالم كله عشانك
وهجرب كل حاجة حلوة بدالك
وهصليلك وفي كل ثانية هدعيلك
إن ربنا يخليك مبسوط فى مكانك

[بعد اللازمة]
وبذكرياتك وبنورك في قلبي
هتحضر فرحي وترقص جنبي
وإبني هيكون إسمه على إسمك
هيعرف صورتك ويحفظ قصصك

[المقطع الثاني]
وياما سهرنا وياما فرحنا
وواسينا بعض لما إتجرحنا
بيرن في ودني ضحكك وصوتك
مش قادر حتى أمسح تليفونك
وياما هربنا وبعربيتك سافرنا
وياما في كلام الكورة إتخانقنا
دلوقتي أنا مجروح بخسارتك
ما لحقتش أقولك إني قدرتك
[اللازمة]
بس أنا هلف العالم كله عشانك
وهجرب كل حاجة حلوة بدالك
وهصليلك وفي كل ثانية هدعيلك
إن ربنا يخليك مبسوط فى مكانك
بس أنا هلف العالم كله عشانك
وهجرب كل حاجة حلوة بدالك
وهصليلك وفي كل ثانية هدعيلك
إن ربنا يخليك مبسوط فى مكانك

[بعد اللازمة]
وبذكرياتك وبنورك في قلبي
هتحضر فرحي وترقص جنبي
وإبني هيكون إسمه على إسمك
هيعرف صورتك ويحفظ قصصك
مبسوط في مكاني
مبسوط في مكانك