Drusse do klääv ne jääle Mond
Un stemp e Loch en de Dunkelheit
Ich klimm durch et Finster erav op de Strooss
Un ich jlänze wie nur Jold et deit
Die ruude Jolfs sin do
Met Vürstadt Mädche drin
Die maachen alles öm e besje vun d'r Welt ze sinn

Du winks inne zo se jodele simultan
Die hann janix wat dieh Hätz jemols pack
An denne Dorne es kei Rüsje dran
Ävver em Düstere sin se op Zack
Oh wenn du mir jehööts
Ich weiss wie jlöcklich du dann wööts

Bes du hück Naach dobei
En dingem ruude Jolf
Für dich louf ich mir ne Wolf
Du lööss mich he allein

Ich kenn dieh Finster un ich weiss et es spät
Ich kenn ding Trepp un ding Huusdüür
Jonn paarmol de Woch an dä Pootz vorbei
Ich stonn em Leechkejel nevve mir
Du siehs se kumme un jonn
Un all krijjen se ne Schlaachanfall
Doch se blieven an d'r Thek stonn
Nä die sin nit dinge Fall
Bes du hück Naach dobei
En dingem ruude Jolf
Für dich louf ich mir ne Wolf
Bes du hück Naach dobei
En dingem ruude Jolf
Ming janze Dräum sin fottjerollt
All en dingem ruude Jolf ...