Nasaan ka, Irog?

Nasaan ka, Irog at dagling
Naparam ang iyong pag-giliw?
Di baga sumpa mong ako'y mamahalin?
Iyong itatangi, iyong itatangi magpahanggang libing
Subalit nasaan ang gayong pagtingin?

Nasaan ka Irog at natitiis mong ako'y mangulila
At hanap-hanapin ikaw sa alaala?
Nasaan ang sabi mong ako'y iyong ligaya't
Ngayong nalulungkot, ngayong
Nalulungkot ay di ka makita?

Irog ko'y tandaan!

Kung ako man ay iyong ngayo'y siniphayo
Mga sumpa't lambing pinaram mong buo
Ang lahat sa buhay ko ay hindi maglalaho't
Magsisilbing bakas ng nagdaan 'tang pagsuyo

Tandaan mo Irog, Irog ko'y tandaan
Ang lahat sa buhay ko ay hindi maglalaho't
Magsisilbing bakas ng nagdaan 'tang pagsuyo
Nasaan ka irog! Nasaan ka Irog?