Nasaan ka, Irog

Nasaan ka, irog at dagling naparam ang iyong pag-ibig?
'Di baga sumpa mo, ako'y mamahalin?
Iyong itatangi, iyong itatangi magpahanggang libing
Subalit nasaan ang gayong pagtingin?

Nasaan ka, irog at natitiis mong ako'y mangulila
At hanap-hanapin ikaw sa alaala
Nasaan ang sabi mong ako'y iyong ligaya
Ngayo'y nalulumbay ay di ka makita

Irog ko'y tandaan

Kung ako man ay iyong siniphayo
Mga sumpa't lambing pinaram mong buo
Ang lahat sa buhay ko ay hindi maglalaho't
Masisilbing bakas nang nagdaan itong pagsuyo

Tandaan mo irog
Irog ko'y tandaan

Ang lahat sa buhay ko ay hindi maglalaho't
Magsisilbing bakas nang nagdaan itong pagsuyo

Nasaan ka, irog?
Nasaan ka, irog?