[المقطع الأول]
سفينتي متبنيتش عشان جماهير عريضة
لو شىء بغنوة إتهد يتبني بقصيدة
لا اختارت جاري، ولا قُطر فتحة غاري
مصمم ع اللي اختارته، ومش حزين مع اختياري
لا شىء لا يمكن استبداله، عالج التعلق
ناس كتير على القمة لا تفقه التسلق
أغلى من حاجات، وكافرة بالتدرج
تيجان ملوك دابت نتيجة التملق
غير العامة بنطارد الفراشات بشغف
على المشانق أطفال إذا فرعون ارتجف
جيوشنا لفت من غير ما تضرب سهم
من قصاد حصون ورق كانت مدهونة وهم
أرواح فرادى اتطفت لما قلدت الإجواز
بوظت اللوحة لما حاوطتها ببرواز
تجار إصلاح لكن من يوم ما فهموا الناس
تاجروا في الغضب والطوب وسط بيوت إزاز

[اللازمة]
عمري ما اسأل اللي سابني ليه سيبتني
حاسس اللي كتبته، ومش مهم إنت تحسني
الحاجة اللي تهمني إن مفيش حاجة تهمني
على اللي إتهد مش حزين، ومش سعيد باللي بيتبني
عمري ما اسأل اللي سابني ليه سيبتني
حاسس اللي كتبته، ومش مهم إنت تحسني
الحاجة اللي تهمني إن مفيش حاجة تهمني
على اللي إتهد مش حزين، ومش سعيد باللي بيتبني
[المقطع الثاني]
فينا حته أغمق من أغمق مكان في الكون
أقدم حتة غسيل لسه بتطفح لون
في ناس مكان ما تشوط ينصبولها جون
إحنا اللي حاربنا ده في عز ما كننا دول
بغير الأسامي وأحكي نفس القصة
كل شىء بيغلى، وإنتي رخيصة لسه
بغطس في الوجع بدون أنفاس حابسها
ريحتك في كل حاجه كنت بتنفسها
تعالي قبل النوم وأنا أحكيلك حكاية
عالم سلبي طول ما الأكسجين محايد
في فرق بين كويسين وبين بطلنا
الناس مبيبانوش بجد غير في الضلمة
كان بيننا خيوط لكن مش باقي غير أرفعهم
بينطوا من عماير والهوا بيرفعهم
قالتلي مبتعرفش تحب ليه ترتبط؟
أنا بحب أنا حتى لو اتشقلبت

[اللازمة]
عمري ما اسأل اللي سابني ليه سيبتني
حاسس اللي كتبته، ومش مهم إنت تحسني
الحاجة اللي تهمني إن مفيش حاجة تهمني
على اللي إتهد مش حزين، ومش سعيد باللي بيتبني
عمري ما اسأل اللي سابني ليه سيبتني
حاسس اللي كتبته، ومش مهم إنت تحسني
الحاجة اللي تهمني إن مفيش حاجة تهمني
على اللي إتهد مش حزين، ومش سعيد باللي بيتبني
[المقطع الثالث]
مش عارف أنا الحقيقي ولا غش
بقطع وش ألاقي تحته وش
أشك في اللي بنى، وأشك في اللي إتبنى
أصعب اكتشاف في العالم اكتشاف الأنا
عصاه تبلع عصيانهم فبيصبح مكروه
يقولوا عليه من ضهره، ويخافوا يناظروه
لا دينه دينهم، ولا عايز رضا التمثال
يبص على معبدهم يضحك من عدد الإقفال
ده بسبب كشافات الليل بقي النهار مليل
مادام بياخدوا اكتر منك الكتير قليل
في ركن في الفضاء، وجنبك اكسجين متسيل
لا حمل إنك تشيل، ولا إنك تشيل
إسأل فحم المكن عن معنى رأسمالي
بفضل إخواتنا في فلسطين بقي للطوب معاني
لو مش عارف إبن آدم كنت لومتك
جرب تكونني ساعة تنفجر جمجمتك

[الجسر]
غبي لدرجة إن الرد اللي إنت قولته
بكتب قصايد، وده شرف عمرك ما نولته
الجامد الروش ده أعلى لقب طولته
فيلمكوا رخيص، وانا انسحبت من بطولته

[اللازمة]
عمري ما اسأل اللي سابني ليه سيبتني
حاسس اللي كتبته، ومش مهم إنت تحسني
الحاجة اللي تهمني إن مفيش حاجة تهمني
على اللي إتهد مش حزين، ومش سعيد باللي بيتبني
عمري ما اسأل اللي سابني ليه سيبتني
حاسس اللي كتبته، ومش مهم إنت تحسني
الحاجة اللي تهمني إن مفيش حاجة تهمني
على اللي إتهد مش حزين، ومش سعيد باللي بيتبني