[المقطع الأول]
حسيت إنك ضعيف ومكسور الجناح
مكبوح الجماح، معدوم المتاح
بسبب ناس عن جهل قالوا إنك مش زيهم مش كامل
كإن الإختلاف دليل على توزيع مش عادل
في ناس كانت بتشدك لورا وتهدك لغرض
في ناس كرهتلك النجاح عشان في قلوبها مرض
قادر والدليل إن الحياة ما هزمتكش
من وإنت بتحبي وهي بتحاول ما تقومكش
وقمت خدت أول خطوة غصب عنها
وفضلت تنجح مهما يتقل إمتحانها
وزي ما ناس هدتك زي ما ناس ساعدتك
زي ما ناس كرهتك زي ما ناس حبتك
ما الشيء وعكسه، مخلوقين يتنافسوا
غيرك كسب في السباق بس خسر نفسه
وإنت روحك كانت بتكبر كل ما تكبر
قلت تقدر للي قالك مش هتقدر

[اللازمة]
الدنيا ما بتديكش اللي إنت شايفه عليك كتير
ما دام هتحلم إوعى تحلم إلا حلم كبير
في ناس وصولها راح هدر عشان لحظة تأخير
سابق بشراسة كإنك بادىء الأخير
الدنيا ما بتديكش اللي إنت شايفه عليك كتير
ما دام هتحلم إوعى تحلم إلا حلم كبير
في ناس وصولها راح هدر عشان لحظة تأخير
سابق بشراسة كإنك بادىء الأخير
[المقطع الثاني]
الظروف سيوف والدروع إرادتك
عمر التعب ما راح هدر، قاوم بكل طاقتك
هما حاولوا يحبطوك خوفا من حركتك
عرفوا إن إنت هتعديهم لحظة انطلاقتك
إستنى الريح تعدي ويندموا اللي مالوا هوا
يخسروا اللي حاربوا بعض قدام اللي كانوا سوا
تمد إيدك ليهم يفتكروك بترمي طعم
أصل اللي يزرع شر لازم يجني رعب
وأما العيوب تبدأ تغطي ع المزايا
وتُحبَط قبل خطوة واحدة من خط النهاية
وتبص لروحك بشفقة في المرايا
زي ما تكون خلاص صدقت إن إنت مش كفاية
بص وراك تشوف طريق طويل إتمشى
هازم في كل مللي فيه ميت إحتمال للفشل
أما اللي وقعوك وسبقوا الخوف فيهم متغلغل
بيبصوا وراهم مرعوبين لتقوم تكمل

[اللازمة]
الدنيا ما بتديكش اللي إنت شايفه عليك كتير
ما دام هتحلم إوعى تحلم إلا حلم كبير
في ناس وصولها راح هدر عشان لحظة تأخير
سابق بشراسة كإنك بادىء الأخير
الدنيا ما بتديكش اللي إنت شايفه عليك كتير
ما دام هتحلم إوعى تحلم إلا حلم كبير
في ناس وصولها راح هدر عشان لحظة تأخير
سابق بشراسة كإنك بادىء الأخير