[المقطع الأول]
زيي زيك، نمت صحيت لقيت
فجأة عدى العمر خيط بعده بالتدريج بقيت
عجوز في جسم عشريناتي وفي أحسن حالاتي
مملُكش طاقة كافية لإني مع الظروف أهاتي
فجأة ظهر وسطنا علاج للمشاكل
سيجارة تنقذ روح الشلة اللي بتتاكل
كُنا خلاص على وشك نفقد طعم اللذة
شغفنا مات محدش عزى ولا إتعزى
وفجأة من سيجارة لكاس لخط كله إتلط
مفيش للدنيا شط، مين بكيفه نط؟
لطشت بإيد وإديت بإيد الكيف هدية
فرجعنا نضحك زي ما كُنا في إعدادية
والقطر مبيوقفش واتاري الكيف محطة
دنيا تسيب تسيب تلم الدين في حطة
لبس واحد واحد منا في حيط وشطب
فواحد واحد منا رجع البيت يبطل

[اللازمة]
طول وعرض عيشنا معرفناش نوسطن
عملنا دماغ مش فاكرينها أصلا
وكبرنا يا سطى، كبرنا ياسطى
بقينا نمشي ونحوش حق المواصلة
طول وعرض عيشنا معرفناش نوسطن
عملنا دماغ مش فاكرينها أصلا
وكبرنا ياسطى، كبرنا ياسطى
بقينا نمشي ونحوش حق المواصلة
[المقطع الثاني]
تهرب من سجن الضرب للحياة تتأسر
تتفاجئ إنك شخص عادي بسهولة بتتكسر
تشحن نفسك عزيمة وتبدأ بالواقع تتصل
تاخد خطوة في طريق والناس بتبارك للي وصل
من يوم ما فوقنا بين يا رب وبين ياريت
محدش غيرنا من دفعتنا كان مفتحش بيت
عيشنا ومحدش حط في حساباته الزمن
سرقنا سنين وطلعت السنين التمن
تيجي الأيام وتولد فكرة بكرة أولى
الدنيا كيف بيرفض فكرة المناولة
فالنزول يقل والخروج يقل
لازم بيت وشبكة قبل ما التلاتين يهل
بقت بولة كله همه ميده
خصوصا بعد أول واحد مننا دخل بيته
محدش سأل ساءت عيشته ولا إرتاحت
كل واحد خاف ليبقى آخر واحد

[اللازمة]
طول وعرض عيشنا معرفناش نوسطن
عملنا دماغ مش فاكرينها أصلا
وكبرنا ياسطى، كبرنا ياسطى
بقينا نمشي ونحوش حق المواصلة
طول وعرض عيشنا معرفناش نوسطن
عملنا دماغ مش فاكرينها أصلا
وكبرنا ياسطى، كبرنا ياسطى
بقينا نمشي ونحوش حق المواصلة