[المقطع الأول]
شر نفسي عليا بان لما إتقفلت البيبان
وعرفت إن طوق النجاة يكونلي حوافر مع نيبان
بقى الجو هو الملك، الناس حواليه بزمبلك
قمة السعادة وسط العبيد، إنت بس تمتلك
بيني وبينك يا أحمد جدار، أنا عليك سيد قرار
قول إنتحار أو قتل مع سبق الإصرار
ليه يا جو فرحان بشرك والشيطان في طريقه جرك؟
ناسي ربك، دينك، أهلك، والخضوع لأمرك غرك
إصحى فوق شوفلك دوا، ده وجود الجوكر فيك عيا
ياريت تصحى أحمد خلاص، كفاية دفنته بالحيا
وإنت يا أحمد كنت فين لما قسمتنا الدنيا إتنين؟
نص في كفة الناس داسوها ونص داس ع الكفتين
نص عاش ملك في غابة ونص إتدارى من الديابة
يا أحمد فكين المفرمة في زمانا مسكن الغلابة
عايزني أحييك؟ وأرجع عروسة في بترينه البوتيك
إنسى يا أحمد، رجوعك وهم ساكن بس فيك

[اللازمة]
واحد حي التاني مات، واحد عبد التاني ساد
واحد كان لازمله فرصة يبيع فيها التانى في مزاد
غايب حاضر بالهمسات، حلمه يحيي فيه اللي مات
ده يشد وده يشد، إتحول لإنفصام حاد
واحد حي التاني مات، واحد عبد التاني ساد
واحد كان لازمله فرصة يبيع فيها التانى في مزاد
غايب حاضر بالهمسات، حلمه يحيي فيه اللي مات
ده يشد وده يشد، إتحول لإنفصام حاد
[المقطع الثاني]
‫Flashback على يوم ما الحظ لعب معاك
حب الناس لشرك قتل حبك لأحمد من جواك
بعد ما عمو الجو نجح عملت من ماضيك شبح
ما هزتكش مرة كسرة صوتي اللي إتنبح
الجوكر فوق عشان الناب سبق كلامه
وإنت مت لما قبلت الدنيا تذل فيك قدامه
لأ الجوكر وهم نفسه لما فسر طيبتي ذل
أمال إيه معنى دمعك لما قطع فيك الكل؟
المعنى إن ربك فوق كل اللي باعنا
طب ما ربك اللي فصلنا وفي جسد واحد جمعنا
آه جمعنا، بس الإختيار ده كان بتاعنا
إزاي وشر الناس ع الشر في كل يوم شجعنا؟
وعشان الصح صعب تقوم تمشي الطريق الأسهل؟
هو إنت يا أحمد ناسي لما الضرب كان في مقتل؟
ما نسيتش بس صعب عليا الجو سكينة تسرقه
ويروح طريق يغيب وقلب أمه عليه يحرقه

[اللازمة]
واحد حي التاني مات، واحد عبد التاني ساد
واحد كان لازمله فرصة يبيع فيها التانى في مزاد
غايب حاضر بالهمسات، حلمه يحيي فيه اللي مات
ده يشد وده يشد، إتحول لإنفصام حاد
واحد حي التاني مات، واحد عبد التاني ساد
واحد كان لازمله فرصة يبيع فيها التانى في مزاد
غايب حاضر بالهمسات، حلمه يحيي فيه اللي مات
ده يشد وده يشد، إتحول لإنفصام حاد
[المقطع الثالث]
الطبع يغلب التطبع وأنا يا جو الوش القديم
الشر يحكم إني أقوى طلقتي يا أحمد في الصميم
إنت تايه باللي في إيدك، وإنت عبدي كانلك سيدك
إنت اللي الشيطان عماك ووهمك إن الناس عبيدك
آه عبيدي، لأ إصحى يا جو أنا لسه مادد إيدي
بعد إيه؟ ما الدنيا حقنت سمها في وريدي
ما فاتش الوقت بس إنوي من قلبك تتوب بجد
وهم يا أحمد، الجوكر خلاص مش عبد حد
طب وربك؟ ربك في سما وإحنا في أرض
يا جو إستغفر، هستغفر يا أحمد بس بشرط
شرط إيه؟ ماتظلمش يقولوا قدري
ولما أخد إنسان في حضني مايزرعليش خنجر في ظهري
أزرع خير أحصد خير، ماتأكلش بناب الغير
ما يبقاش فينا صياد وواحد تاني دوروا الطير
بس يا جو، مالك يا أحمد ساكت ليه؟
ها عرفت رجوعك فيا وهم مش هيحصل ليه؟

[اللازمة]
واحد حي التاني مات، واحد عبد التاني ساد
واحد كان لازمله فرصة يبيع فيها التانى في مزاد
غايب حاضر بالهمسات، حلمه يحيي فيه اللي مات
ده يشد وده يشد، إتحول لإنفصام حاد
واحد حي التاني مات، واحد عبد التاني ساد
واحد كان لازمله فرصة يبيع فيها التانى في مزاد
غايب حاضر بالهمسات، حلمه يحيي فيه اللي مات
ده يشد وده يشد، إتحول لإنفصام حاد