[كلمات أغنية "الرقصة الأخيرة" الجوكر]

[المقدمة]
بطلت أكلم حد لحد ما حد خد بإيدي
لو ما كانتش إقتنعت بيا ما كاتش ظهرت عبقريتي
كله أصاب فيما أصاب وأخطأ فيما أخطأ
الحق أحق أن يُتبع مهما هنوصل أبطأ

[المقطع الأول]
إنت عمرك ما إقتنعت بقد إيه بنكمل بعض
أنا لاحظت كون الفكرة بتقوى بنقد نقط الضعف
تعدد عصبياتنا في العموم شيء مفيد
وإن إستمر الفيل في إعتقاد إن الإله فيل
بلجألك إختصارا في اللي أنا فيه فعلاً محتاجك
مستحيل حد من الصفر لوحده يعرف كل حاجة
ده مش معناه إني أقل ولا إن إنت أعلى
أنا بقفل التآويل وإنت بتغرق في المعنى
لسه ما عرفتيش من إمتى ما بتفهميليش ولا كلمة
من ساعة ما كل حاجة معاكي إبتدت تكون مملة
عمرك ما شوفتي حقيقتي ولا فهمتي حقيقة ده كله
كل واحد شاف التاني الواحد اللي حب يكونله
مضطر أسيبك وأمشي منعاً للمخاطرة
الورقة رافضة أعيشلك وأبقى أزورها كل فترة
أنا بشرح على قد عقولكوا ولسه ما إتفهمش شرحي
إنت كلامك مات وإنت لسه عايش، إنت سطحي
[اللازمة]
أسئلة القرية دي محدودة جداً، عالم تافهة
المدينة دي مبالغ فيها جداً، عالم كافرة
البلد دي كاملة جداً بس أخينا عمره ما شافها
بقراها، بمدنها، بكل حاجة، وحيدة بإختلافها

[المقطع الثاني]
ظروفه كانت غير ظروفهم فخرج عن الإجماع
ظروفنا الآن شبه ظروفه فإجتمعنا على فتواه
مش في صالحك يبقى مثالي طول ما إنت في قمة متعدد
باب الإيمان قصير، ما بيدخلوش متكبر
سيبيلي حاجة أفتكرك بيها، حاجة ريحتك فيها
حاجة إستخدمتيها في أوقات مش حباني أعيش ناسيها
للهروب من واقعهم للآسف لازم توقيعهم
يؤسفني أقولك في بعض الحاجات شبة طيعهم
بس ده مؤقتاً، هما يقولوا بطل وإبقى بطل
وإوعى إنتظارهم إنك تقع هو اللي يسقطك
وتبدأ النهاية بإني أقبل حاجات مرفوضة
واحدة بجمالك إنتي في بالي صعب تكون موجودة
أجزاء شبه عشوائية سوا تبان مخيفة
إنت سامع من الغنوة آلة بتعزف صوت مؤامرة سخيفة
اللي في صالح السيناريو طول عمري بنفذه
لو أبرهة بيغرق قبل عام الفيل هروح أنقذه

[اللازمة]
أسئلة القرية دي محدودة جداً، عالم تافهة
المدينة دي مبالغ فيها جداً، عالم كافرة
البلد دي كاملة جداً بس أخينا عمره ما شافها
بقراها، بمدنها، بكل حاجة، وحيدة بإختلافها
[المقطع الثالث]
ما عرفتش أشكر مين ساعتها وعدى الموقف عادي
ما جاش في بالي إن أنا الشخص اللي أنقذ حياتي
براجع نفسي لما ألاقيني تهت في التفاصيل
فإنفصل عني الجزء اللي مراقبني من بعيد
شايفك يا بلدي بتبصيله وإنتي بترقصيله
بصة فلسطيني لإسرائيلي ناهب محصول طينه
في لوحات يادوب فيها بسيب كذا خط ولون
كوّنوا في كل عصر كل رسمة تفيد الكون
غلبانة، بتقول للناس إنها بكرة هتنسانا
مش عارفة إن اللي يعيش من غيرنا أكيد ما عاشش معانا
صدقي اللي إنتي بتحسيه، كدبي اللي إنتي بتشوفيه
إستخدمي البعد اللي إنتى عارفة إنك في حضني فيه
كان باين فى عينيكى الزهق
ما بانتليش فى عينك غيرة
قلتلك إني عارف إن دي الرقصة الأخيرة

[اللازمة]
أسئلة القرية دي محدودة جداً، عالم تافهة
المدينة دي مبالغ فيها جداً، عالم كافرة
البلد دي كاملة جداً بس أخينا عمره ما شافها
بقراها، بمدنها، بكل حاجة، وحيدة بإختلافها
أسئلة القرية دي محدودة جداً، عالم تافهة
المدينة دي مبالغ فيها جداً، عالم كافرة
البلد دي كاملة جداً بس أخينا عمره ما شافها
بقراها، بمدنها، بكل حاجة، وحيدة بإختلافها