[المقطع الأول]
إبقي إفتكريني، ما قصدتش إنك تكرهيني
لكني ما نفعكيش، ما قولتش مش هتنفعيني
أكتر إنسانة لقيتها وقت الحاجة
بتقولي إحرقني لو كان رمادي علاجك
كان كل حلمك أعملك أغنية بتحمل إسمك
لكني أغلي سطر كتبته أبخس من ضفر رجلك
إبعدي هتتعودي على بعدي لكن ثقي
إن إنتي أشرف فصل ع الإطلاق في فصول قصتي
ده أنا بعدك حتى معرفتش ألاقي في واحدة ملجا
ألجأ إليه، حضنك قبلة قلة حيلتي الثابتة
ده اللي شايله جوة مني ليكي مش مجرد
حب معرض إني في لحظة فيه أفرط
أنا اللي شايله ليكي في قلبي شعور إبوه بحت
ومش هكدب عليكي، لما بعدتك عني إرتحت
عشان بسوئي قابلت كل حسنة فيا بتعمليها
عشت وشفت القطة بتاكل عيالها عشان تحميها

[اللازمة]
سبب وداعنا مش أكبر من إحساس جمعنا
لكن في البعد عبرة تدي للي بيننا معنى
سبتك لإني أنا اللي هتبقي أم لأبني
لازم أستاهلها قبل ما هي تستاهلني
سبب وداعنا مش أكبر من إحساس جمعنا
لكن في البعد عبرة تدي للي بيننا معنى
سبتك لإني أنا اللي هتبقي أم لأبني
لازم أستاهلها قبل ما هي تستاهلني
[المقطع الثاني]
عشتي معايا من البداية الإنفصام بمراحله
كان نفسي أشوف أحمد في الزفة جنبك كنت أفرحله
لكن جوكر كسب، فاللي باقي فأحمد بعد
لأجل ما يمنع جوكر إنه يكون سبب نزول دمعتك
والمشكلة إن أنا وصلت لحد هنا
بمساعدة منكم إنتوا بعد مساعدة من ربنا
لكن وصولي زائد تصقيف جمهوري أكدولي
إن جوكر قادر يرد للزمن قلم إدهولي
قلت هكون أحمد معاكوا جوكر معاهم، حصل
نسبة خطأ، خرج جوكر من ساعتها عن السيطرة
فصدقيني بعدي كان عشان أحميكي
مش ببرر الغلط لنفسي لكن عشمان فيكي تسامحيني
لو حتى بإعتبار، إني لما لقيتني نار
إخترت بعدي عنك لأجل مايصيبكش أضرار
وإترميت في حضن ناس منهم قسيت
الطيبون للطيبات، فمستحيل يجمع ما بينا بيت

[اللازمة]
سبب وداعنا مش أكبر من إحساس جمعنا
لكن في البعد عبرة تدي للي بيننا معنى
سبتك لإني أنا اللي هتبقي أم لأبني
لازم أستاهلها قبل ما هي تستاهلني
سبب وداعنا مش أكبر من إحساس جمعنا
لكن في البعد عبرة تدي للي بيننا معنى
سبتك لإني أنا اللي هتبقي أم لأبني
لازم أستاهلها قبل ما هي تستاهلني