[المقطع الأول]
‫بتمادى كل مادا، overdose الجرعة زيادة
أقع من طولي أقوم، مافيش تغير، خيال مآته
عاجز وشاب، تمثال نابضله قلب
مش باقي مش لاقي في نفسي شيء يتحب
فأنا اللي دق باب الغلط حصد مرض
قصد يظهر وحش بناب عشان في وسط الغابة أتعرض
شاب قسي نسي مشي وصل بر ضلمة رسي
دق كل حية في شق وجرحه سبق ما يتنسي
تقلت همومي والقلم سبب وصولي
والجماهير لما صرخت فوق ألحاني صقفولي
بس تعرف إيه؟ تعرف إنت إيه؟
تعرف إنت وصول كلامي ده ليك دفعت تمنه ايه؟
إنت تسمع تبكي دمع، أنا اللي ببكي دم
‫إنت تقول Nice track، أنا اللي فوق كتافي الهم
‫أشيل وأزيل من اللي شايله ع الـ Beat ـات
وطول ما الدنيا بتعصر فيا ينزف ليكوا جسمي تراكات

[اللازمة]
أنا اللي لما إنفصم قسم الإنفصام بسن القلم
لما العدم حل محل حب إتهدم سلمى إترسم
اللي إعتبر الكبت فكر، خد ع الورقة شكل حبر
آخر شجرة في صحرا الفن وماسك فيها لآخر جدر
أنا اللي لما إنفصم قسم الإنفصام بسن القلم
لما العدم حل محل حب إتهدم سلمى إترسم
اللي إعتبر الكبت فكر، خد ع الورقة شكل حبر
آخر شجرة في صحرا الفن وماسك فيها لآخر جدر
[المقطع الثاني]
‫Beat جمعني بيك للمرة الألف وبتسمعني
‫كل مرة بيوجع فيك Track عن شيء وجعني
بقول تحس وده اللي بيشجعني
أوصل تراكات لآلاف الناس اللي بتسمعني
‫قول وسمع فالـ Track ـات ساعتنا
‫الدنيا ما جمعتناش فالـ Beat ـات هي اللي جمعتنا
صوتي وصل كسر بعد بينا فصل فلما ضهري إتكسر
صرختي سابت في ودنك أثر، حصل؟
قلبي سبق، ضخ دم يملى الورق
فساب سطور حياتي ذكرى بصوت صرخ ع الملأ
فإتسمعت، جمعت جماهير عشان أبدعت
غيري حصد تحصيل حاصل وأنا حصدت عشان زرعت
فضهري سنده سطوري، مسح دمعي جمهوري
وكل سطر كتبته بيحكي ويتكلم عن دوري
أنا سند القلم اللي إتكسر دمي بدل حبر ضاع هدر
أنا، أنا القلم المنتظر

[اللازمة]
أنا اللي لما إنفصم قسم الإنفصام بسن القلم
لما العدم حل محل حب إتهدم سلمى إترسم
اللي إعتبر الكبت فكر، خد ع الورقة شكل حبر
آخر شجرة في صحرا الفن وماسك فيها لآخر جدر
أنا اللي لما إنفصم قسم الإنفصام بسن القلم
لما العدم حل محل حب إتهدم سلمى إترسم
اللي إعتبر الكبت فكر، خد ع الورقة شكل حبر
آخر شجرة في صحرا الفن وماسك فيها لآخر جدر