[عينة]
أمل حياتي
سيبني أحلم سيبني
وسيبني أحلم سيبني
يا ريت زماني ما يصحينيش

[المقطع الأول]
بذرة الأمل، تطرح لما بنرويها بعمل
نحصد نجاح، لو سقيناها كسل نحصد فشل
وده بعينه كان الفرق بين اتنين اخوات
أخ فحياته نجح أما الأخ التانى كان
عجوز بيحلم، ويقول أهى بكره تحلى
لكن الحقيقه كانت هروبه بالأحلام من المحنه
فجأه القطرات فاتته، فضيت عليه محطته
خمسين سنه الغطاس غرقان فميه كدبته
ﻻ زوجه، وﻻ عيل، واللوحه بتغيم
أخوه الكبير من فين لفين يميل عليه بمبلغ كويس
ويبعت بناته يملوا على الوحيد حياته
يوم واحد فى الأسبوع، باقى الأسبوع عايش لحاله
فاتسأل ليه، الفشل كان نهاية الخيط
عشان شابك فكسله من بداية خط السير
فابدل الواقع بحلم فى نومه منها مفقش
جت أول وقعه قطمت ضهره فوق صخور اليأس

[اللازمة]
تحلم لبكره ليه لما النهارده لسه طويل
ابدأ بأول خطوه فوق طريق قادر تمشيه
كمل في مسارك حتى لو كان عكس ناس تانيين
إختار مكان حلمت بيه وحط نفسك فيه
تحلم لبكره ليه لما النهارده لسه طويل
ابدأ بأول خطوه فوق طريق قادر تمشيه
كمل في مسارك حتى لو كان عكس ناس تانيين
إختار مكان حلمت بيه وحط نفسك فيه
[عينة]
وسيبني أحلم سيبني
وسيبني أحلم سيبني
يا ريت زماني ما يصحينيش

[المقطع الثاني]
كل أما الشمس تغيب ترجع تشرق من جديد
فا لما الدنيا تضيق بيكون الفرج قريب
لكل فارس كبوه لكن أكيد منها استفاد
ولوﻻ الفشل مر مش هندوق طعم النجاح
هتسعى هتلحق تمسك فضل حلمك
هتيأس هتلقى الحلم نفسه ضدك
الدنيا مبتقفش على الظروف عندى الدليل
من نفس البيت خرج للأخ أخ على النقيض
حطم درع الظروف بحد سيف العمل
هزم جيوش اليأس عدى حصون مدينة الأمل
و، لون رسمته، شكل ظروفه على رغبته
كان حلمه زى خريطه لمرمى نجاحه وصلته
حلم بالشط آه لكن نط فى بحر الحياه
مستناهوش يسحبه خبط فى الموج وعافر معاه
مغذى الكلام ده ليك يا تاخد بيه يا تموت احلامك
مفيش بين البينين يا فوق يا تحت اختار مكانك

[اللازمة]
تحلم لبكره ليه لما النهارده لسه طويل
ابدأ بأول خطوه فوق طريق قادر تمشيه
كمل في مسارك حتى لو كان عكس ناس تانيين
إختار مكان حلمت بيه وحط نفسك فيه
تحلم لبكره ليه لما النهارده لسه طويل
ابدأ بأول خطوه فوق طريق قادر تمشيه
كمل في مسارك حتى لو كان عكس ناس تانيين
إختار مكان حلمت بيه وحط نفسك فيه
[عينة]
وسيبني أحلم سيبني
وسيبني أحلم سيبني
يا ريت زماني ما يصحينيش

[المقطع الثالث]
على فكره قصة الأخين تأليفى مش حقيقه
الدنيا صعبه فاسعى ده إللى قصدت اوصله بيها
بواجهك بالحقيقه، بعلمك واسيبك
تفهم مين إلى بيبنى فيك ومين كسر مقاديفك
باعولك فكرة افرح، سبت الكفاح ورا ضهرك
قالولك بكره تصبح، وبكره ليه ما يلا
زرعولك فكره غلط واستعميت حبيت تقلد
ما دام العقل زينه أدينى سبب علشان تتجنن
حياتنا حلوه ومره، العقبه فضل فرصه
فالو متعبتش فيها مش هتدوق نجاح طول عمرك
لكن ثق ان الدنيا مبتظلمش
على قد ما تتعب تسعى تلقى نجاحك ليك بقى ضل
ابدأ دلوقتى، متقولش القطر فاتنى
كتر التفكير فى امبارح مش هيغير شئ صدقنى
ده شئ وحيد من الماضى منه بنستفيد
هو مراجعة غلطنا عشان منقعش تانى فيه

[اللازمة]
تحلم لبكره ليه لما النهارده لسه طويل
ابدأ بأول خطوه فوق طريق قادر تمشيه
كمل في مسارك حتى لو كان عكس ناس تانيين
إختار مكان حلمت بيه وحط نفسك فيه
تحلم لبكره ليه لما النهارده لسه طويل
ابدأ بأول خطوه فوق طريق قادر تمشيه
كمل في مسارك حتى لو كان عكس ناس تانيين
إختار مكان حلمت بيه وحط نفسك فيه
[عينة]
وسيبني أحلم سيبني
وسيبني أحلم سيبني
يا ريت زماني ما يصحينيش

[الخاتمة]
تحلم لبكره ليه لما النهارده لسه طويل
ابدأ بأول خطوه فوق طريق قادر تمشيه
كمل في مسارك حتى لو كان عكس ناس تانيين
إختار مكان حلمت بيه وحط نفسك فيه
تحلم لبكره ليه لما النهارده لسه طويل
ابدأ بأول خطوه فوق طريق قادر تمشيه
كمل في مسارك حتى لو كان عكس ناس تانيين
إختار مكان حلمت بيه وحط نفسك فيه